"2018 jyldan bastap jyl saıyn Nazarbaev Ýnıversıtetinde úlken orkestrlik konsertter ótkizilip keledi. Bıyl da ótkizý josparlanyp, ujym oǵan daıyndaldy. Biraq, ókinishke oraı, pandemııa kezinde bul josparledan bas tartýǵa týra keldi. Biz konsertterdi onlaın formatta jazýdy sheshtik", dedi top músheleriniń biri, 4 kýrs stýdenti, NU Orchestra skrıpkashysy Aıza Aıtqojına.
Erekshe formatta jas mýzykanttar "Adaı", "Kózimniń qarasy", "Kishkentaı", "Er Turan", "Mineziń kórkem" sııaqty tanymal qazaq shyǵarmalaryn jazdy. Top jyl sońyna deıin 12 án oryndaýdy josparlap otyr.
"Bizdiń dybys rejısseri daıyndaǵan áýenge árbir orkestr oınaýshysy turǵylyqty qalasynan óz partııasyn jazady. Bir kompozısııany jasaýǵa 30-40 mýzykant qatysady, al dybys rejısseri osy 40 trekti bir aýdıo faılǵa biriktirip óńdeıdi. Sonymen qatar qatysýshylar ózderin vıdeoǵa túsirýde. Sońynda barlyq materıaldar óńdeledi", deıdi Aıza Aıtqojına óziniń orkestrlik beınejazba tehnologııasymen bólisip.
Nazarbaev Ýnıversıteti stýdentteriniń orkestri 15 mýzykalyq aspapty qoldanady. Olardyń arasynda ulttyq aspaptar – dombyra, qobyz, sazsyrnaı, sımfonııalyq – skrıpka, saksofon, elektr gıtara, fortepıano jáne basqalary bar.
Mýzykalyq toptyń barlyq músheleri – ártúrli ǵylymı mamandyqtarda oqıtyn NÝ stýdentteri. Oqýdy bitirgennen keıin de olardyń kópshiligi orkestr ómirine qatysýdy jalǵastyrady.
