Taraptar saýda-ekonomıkalyq jáne qarjylyq salalardaǵy ekijaqty yntymaqtastyqtyń jaǵdaıy men keleshegin talqylady. Qazaqstan mınıstri Lıhtenshteın tarapyna Lıhtenshteındi jeńildetilgen salyq salynatyn ıýrısdıksııalar tiziminen shyǵarý týraly resmı habarlamany jetkizdi. Lıhtenshteın tarapy bul sheshimdi rızashylyqpen qabyldap, atalǵan sheshimniń eki el arasyndaǵy iskerlik baılanysty keńeıtýdiń tıimdi qadamdarynyń birine aınalatynyn atap ótti. Atap aıtqanda bul Lıhtenshteınnen Qazaqstanǵa taýarlardy tikeleı jetkizýdi jáne qarjy-nesıe salasyndaǵy ózara árekettesýdi kúsheıtýge múmkindik beredi.
B.Sultanov Lıhtenshteın bıznesin Qazaqstannyń EAEO músheligin jáne Jańa Jibek jolyndaǵy negizgi pozısııasyn eskere otyryp, Qazaqstan usynǵan múmkindikterdi paıdalanýǵa shaqyrdy. Yntymaqtastyqty damytýdyń keleshegi eń jarqyn baǵyttarynyń biri retinde AHQO alańy ataldy.
