Aımaqtar • 21 Qazan, 2020

TMD elderinde izdeýde júrgen 20 qylmysker Soltústik Qazaqstanda ustaldy

190 ret kórsetildi

Bul týraly Soltústik Qazaqstan oblystyq PD Krımınaldyq polısııasy habarlady.

«TMD elderiniń basshylary qol qoıǵan Mınsk jáne Kıshınev konvensııalarynyń sheńberinde izdestiriletin qylmyskerlerdi ustap berýge mindettimiz. Sonymen qatar Soltústik Qazaqstan oblysy Reseı Federasııasynyń kórshiles Omby, Túmen jáne Qorǵan oblystarymen shekaralyq yntymaqtastyq sheńberinde de osy másele týraly kelisimge qol qoıǵan. Osy kelisimderdiń  nátıjesinde biz qylmyskerler týraly aqparattarmen almasyp, olardy quryqtaýdy birlesip júrgizemiz», deıdi Soltústik Qazaqstan oblystyq PD Krımınaldyq polısııasynyń bastyǵy, polkovnık Petr Klımov.

Bıyl jyl basynan beri Soltústik Qazaqstanda TMD elderinde izdestirý jarııalanǵan 20 qylmysker ustaldy. Olardyń bári qylmys jasaǵan elderine etappen attandyryldy. Qazir olar óz elderinde jazalaryn óteýde.

Sonymen qatar bizdiń oblysta jasaǵan qylmystary úshin izdestirý jarııalanǵan eki qylmysker Qazaqstan aýmaǵynan tys jerlerde ustalyp, elge jetkizildi. Sonyń ishinde 1992 jyly týǵan bireýi adamǵa buzaqylyqpen jaraqat salǵany úshin byltyr sottalǵan edi. Arada az ýaqyt ótkende ol ýaqytynan buryn shartty jazamen bosatylǵan. Biraq ol bul jazanyń talaptaryn oryndamaı, Reseıge qashyp ketken edi. Soltústik Qazaqstan polısııasy qylmysker týraly aqparatty reseılik áriptesterine jibergen.  Artynan memleketaralyq izdeý de jarııalandy. Qashqyn aqyrynda Reseıdiń Astrahan oblysynda ustalyp, Soltústik Qazaqstanǵa etappen jetkizildi. Qazir ol bas bostandyǵynan aıyratyn orynda jazasyn óteýde.

Mezgilinen buryn shartpen bosatylǵan keıbir qylmyskerler ózderine jasalǵan jeńildikti uqpaıdy. Turatyn meken-jaılaryn almastyrsa jazasyn atqarýdan bosatylamyn dep oılaıdy. Al qazir TMD sheńberndegi  elektrondy aqparattar bazasy arqyly ondaılardyń qaıda júrgendigi izdestirý jasaǵan memleketke birden belgili bolady. Sondyqtan ondaılardyń shetelge bas saýǵalaǵanynan ózine esh paıda bolmaıdy, kerisinshe jazasyn aýyrlatyp alady.   

Jyl basynan beri Soltústik Qazaqstan oblystyq PD 37 qylmyskerge izdeý jarııalaǵan. Sonyń 28 búgingi tańda ustaldy.

Soltústik Qazaqstan oblysy  

Sońǵy jańalyqtar

Tergeýshilerdiń ustazy ulyqtaldy

Aımaqtar • Búgin, 19:35

Reseı ınvestorlary Atyraýǵa bet burdy

Aımaqtar • Búgin, 16:56

Erteń Úkimet otyrysy ótedi

Úkimet • Búgin, 15:17

Qýatty qurylymnyń shýaqty merekesi

Qazaqstan • Búgin, 14:15

Naýryz aıynda aýa raıy qandaı bolady?

Aýa raıy • Búgin, 13:30

Uqsas jańalyqtar