Qasym-Jomart Toqaevqa «Samuryq-Qazyna» UÁQ» kompanııalar tobynyń 9 aıdaǵy jumysynyń qorytyndylary týraly esep berildi.
Ahmetjan Esimovtiń málimetinshe, eseptik kezeńdegi taza tabys josparlanǵan 167 mlrd teńgeden 2,6 esege asyp, 436 mlrd teńgege jetken. Bıyl aksıoner – QR Úkimetine 120 mlrd teńge dıvıdendter tólenip, 2017 jylǵy kórsetkishpen salystyrǵanda 10 ese artyq. Sondaı-aq energetıkalyq, munaı-gaz, ýran, telekommýnıkasııalar, poshta jáne basqa da salalardaǵy kompanııalar tobynyń barlyq kásiporyndarynda úzdiksiz jumys qamtamasyz etildi. О́ndiristegi jumys oryndary jappaı qysqartýǵa ushyramaı, personal tolyq quramda saqtaldy, qyzmetkerlerge eńbekaqy ýaqytyly tólenip otyr.
«Samuryq-Qazyna» basshysy Qor satyp alýlar júıesi arqyly el ekonomıkasyn qoldaýǵa qatysty Memleket basshysynyń tapsyrmalaryn oryndaý jónindegi jumysty jalǵastyryp jatqanyn habarlady. Bıylǵy 9 aıdyń qorytyndysy boıynsha Qordyń satyp alýlar júıesindegi jergilikti ónim úlesi 66% qurady. Básekelestik ortaǵa 819 mlrd teńgege satyp alýlar shyǵarylǵan. Bıznestiń 17 000 sýbektisi Qordyń satyp alýlaryna qatysýǵa múmkindik aldy. 2020 jyldyń basynan beri kompanııalar toby 2,4 trln teńgege otandyq bıznespen sharttar jasasyp, jergilikti kásiporyndarǵa 12 myń tapsyrys berilgen. Atalǵan kásiporyndarda 280 myń adam jumys isteıdi. Esep boıynsha memlekettik bıýdjetke 170 mlrd teńge kóleminde salyq tólemderi túsýi tıis.
Sondaı-aq Qazaqstan Prezıdentine Qordy ınvestısııalyq holdıngke aınaldyrý tujyrymdamasy usynyldy.
Basqarma basshysy Ahmetjan Esimov Qasym-Jomart Toqaevqa ınvestısııalyq holdıngke aınaldyrýdyń artyqshylyqtary týraly aıtty. Onyń sózinshe, bul portfeldi aktıvterdiń geografııa jáne salar boıynsha ártaraptandyrýǵa, halyqaralyq ınvestısııalardan túsetin tabysyn arttyrýǵa, dıvıdendterdiń esebinen bıýdjet túsimderin arttyrýǵa múmkindik beredi.
Memleket basshysyna Joldaýdaǵy tapsyrmalarǵa sáıkes, Qor aktıvterin jekeshelendirý baǵdarlamasy jalǵasa beretini týraly habarlandy. Bul rette, Qor memlekettik jáne jeke menshik múddeler arasyndaǵy tepe teńdikti qamtamasyz etý maqsatynda iri jáne strategııalyq kompanııalardaǵy úlesin 51 jáne odan da kóp paıyzyn baqylaýdy saqtap qalady.
