Aımaqtar • 28 Qazan, 2020

Qyzylordada sala úzdikteri marapattaldy

19 ret kórsetildi

Búgin oblys ákimi Gúlshara Ábdiqalyqova onlaın rejımde ótken "Altyn dán-2020" sharasyna qatysty, dep habarlaıdy Egemen.kz

Aýylsharýashylyǵy mamandary marapat ıelengen sharada aımaq basshysy memlekettik qoldaýdyń arqasynda sala óndirisiniń damýynda oń nátıjeler qalyptasqandyǵyn tilge tıek etti. Bıyl óńir dıqandary sý tapshylyǵyna qaramastan, basty daqyldyń ár gektarynan ortasha 61,8 sentnerden ónim alyp, 551 myń tonnadan astam Syr kúrishin el qambasyna quıyp, kezekti rekordtyq kórsetkishke qol jetkizdi.  

О́ńirde agrarlyq salada óndirilgen ónim kólemi 94,4 mlrd teńgege jetip, ótken jyldyń osy kezeńimen salystyrǵanda 3,2 paıyzǵa artqan. Al, aýyl sharýashylyǵyna salynǵan ınvestısııa kólemi 1,8, tamaq ónimderin óndirýge salynǵan ınvestısııa 1,6 esege ulǵaıǵan.

Jyl saıynǵy sý tapshylyǵyn eskere kele, qysqa merzimde aýyl sharýashylyǵy óndirisin, ásirese, eginshilik salasyn ártaraptandyrý baǵyty qolǵa alyndy. Bul rette sońǵy bes jylda mal azyqtyq daqyldar 4 myń gektarǵa, kúrishten basqa dándi daqyldar 7,5 myń gektarǵa artqan.

О́ńirde ártaraptandyrýǵa baǵyttalǵan soıa, júgeri jáne bıdaı daqyldary egisiniń kólemin ulǵaıtyp, akvageldi paıdalanyp egilgen 80 gektar kúzdik bıdaıdyń ár gektarynan 18 sentnerden ónim alyndy. Sondaı-aq, aldaǵy kezde kúrishtiń egis kólemin azaıtyp 80-85 myń gektarǵa turaqtandyryp, ornyna dıversıfıkasııaly daqyldar egý kózdelip otyr.

Shara barysynda aýyl sharýashylyǵy baǵytynda negizgi tabys túsiretin sektorlardyń damý perspektıvalary sóz bolyp, árbir aýdannyń erekshelikterine qaraı ónim óndirý máselesi aıtyldy. Kelesi jyly Qazaly aýdanynda jańbyrlatyp sýǵarý tásilimen 87 gektar júgeri, Jańaqorǵan aýdanynda tomat pastasy óndirisin ashýǵa baǵyttalǵan 3 myń gektar qyzanaq egilmek. Al Shıeli aýdanynda paıdalanylǵan aǵyn sýdy qaıta qoldaný arqyly jańbyrlatý tásilimen 10 myń gektarǵa jońyshqa daqyly egý qolǵa alynady.

О́ńirdiń ekonomıkalyq kirisin kóbeıtýde mal sharýashylyǵy baǵytyn damytý máselesi de ózekti. Múıizdi iri qara 4,4%-ǵa, jylqy 8,5%-ǵa, túıe 5,3%-ǵa kóbeıip, mal ónimderiniń óndirisi boıynsha búgingi kúnge 26,3 myń tonna et, 65,2 myń tonna sút óndirilip, et óndirisi 2,5%-ǵa, sút óndirisi 2,6%-ǵa artqan. Aımaqtyń eksporttyq áleýeti artyp, aýyl sharýashylyǵy taýar óndirýshilerimen 17 memleketke 22,5 mln AQSh dollaryn quraıtyn 66,1 myń tonna aýyl sharýashylyǵy ónimderi eksporttalǵan. Onyń ishinde, bıyl alǵash ret oblystan Germanııaǵa 421,5 tonna qamys, al Qytaı men Aýǵanstanǵa 391 tonna maqsary maıy jóneltilgen.

Aımaqta aýyl sharýashylyǵyna qajetti sý toraptaryn qaıta qalpyna keltirý jumystary da jolǵa qoıylǵan. Máselen, "2020-2021 jyldarǵa arnalǵan jumyspen qamtýdyń jol kartasy" baǵdarlamasy aıasynda "Jıdeli sý qoımasyn qaıta jańǵyrtý" jumystaryna 450 mln teńge, "Áıtek sý torabyn qaıta jańǵyrtý" jobalaryna 700 mln teńge qarjy qaralyp, jumystar iske asýda. Al, aldaǵy kezde jaz maýsymyndaǵy sý tapshylyǵyn sheshý maqsatynda "Qaraózek sý qoımasy" jáne Shıeli aýdanynda qysqy kezeńdegi tasqyn sýdy jınap egistikke paıdalanatyn "Kúmisketken" sý qoımasyn iske asyrý mindeti tur.

Shara sońynda aımaq basshysy   27 nomınasııa boıynsha úzdik aýdandar men agroónerkásip salasynyń ozattaryn marapattady.  Munan bólek, sala ardagerlerine Aýyl sharýashylyǵy mınıstrliginiń "Aýyl sharýashylyǵy salasynyń úzdigi" jáne "Eńbek ardageri" tósbelgisin tabystady.

Sońǵy jańalyqtar

Elimizde jumyssyzdyq deńgeıi ósti

Qoǵam • Búgin, 10:03

2002 adam koronavırýstan emdelip shyqty

Koronavırýs • Búgin, 09:32

Dollar qaıtadan arzandaı bastady

Qarjy • Búgin, 09:22

Saryala qazdyń qańqyly estildi

Rýhanııat • Búgin, 08:51

Shyǵyrshyqtar jeńiske shaqyrady

Oqıǵa • Búgin, 08:50

Aqmolalyqtar Aqkólge qarap boı túzeıdi

Tehnologııa • Búgin, 08:40

Qor naryǵy qymbattady

Álem • Búgin, 08:33

La-Sýfrıer janartaýy oıandy

Álem • Búgin, 08:30

Baba amanatyna adaldyq

Rýhanııat • Búgin, 08:07

Medıatorlar qatary qalyńdaı túsedi

Qoǵam • Búgin, 08:05

Balýannyń alǵashqy altyny

Kúres • Búgin, 08:02

Nannyń qadir-qasıetin umytpaıyq

Qoǵam • Búgin, 08:01

PSJ ese qaıtardy

Fýtbol • Búgin, 07:59

Jarysty jeńispen bastady

Boks • Búgin, 07:56

Jaqaevtyń taqııasy

Rýhanııat • Búgin, 07:47

Shilikti aýylyn sý basty

Aımaqtar • Búgin, 07:44

Ekpe alý pýnkti meshitte de ashyldy

Qoǵam • Búgin, 07:35

Ever Given Mysyrda qaldy

Álem • Búgin, 07:28

Jer týraly zań Senatqa joldandy

Parlament • Búgin, 07:22

Baı men kedeıdiń arasy alshaqtap barady

Ekonomıka • Búgin, 07:15

SQO-da úshem dúnıege keldi

Aımaqtar • Keshe

Almatyda epıdahýal máz emes

Aımaqtar • Keshe

Uqsas jańalyqtar