TÁÝELSIZ OTAN ShEJIRESI – ELIN SÚIGEN ERDIŃ ShEJIRESI

Tamyry tereńde jatqan táýel­siz elimizdiń tól tarıhyn ja­zýda otandyq ǵalymdar kóp jaǵdaıda uly kórshilerimiz Qy­taı, Reseı jáne ózge de elderdiń muraǵat­ta­ry­na júginedi. Endi onyń orny toly­ǵatyn boldy. Keshe Prezıdenttik mádenıet ortalyǵynda “Qazaqstan Respýb­lıkasy. Táýelsizdik sheji­re­si” tarıhı dereknamalyq kóptom­dy­­ǵy­nyń alǵashqy kitabynyń res­mı tusaýkeser rásimi ótti. Aldymen sharaǵa qatysý­shy­lar foıege qoıylǵan stend­ter­degi Mem­leket basshysy Nur­sul­tan Na­zarbaevtyń ár ýaqyttaǵy jumys ba­rysy sátteri beınelen­gen sýret­ter tanysty. Sol sııaq­ty munda Elbasy týraly ja­zyl­ǵan kitaptar da kópshilik naza­ryna usynylyp­ty. Olardyń ara­synda tórt serııa­dan turatyn 14 kitaptyq táýelsiz Otan sheji­resi jınaǵy erekshe kózge túsedi. Kók, qyzyl jáne ja­syl túspen kómkerilgen eńbekterde táýel­siz­dik alǵaly bergi qabyldan­ǵan resmı qujattar men sheshimder ret-retimen qoıylǵan, “Táý­elsizdik shejiresi”, “Elmen syr­la­sý”, “Elbasy joldady – eli qol­da­dy” jáne “Álem Qa­zaq­stan tý­raly. Álem Prezıdent tý­raly” atty serııalarmen shy­ǵypty. Ázirge serııanyń alǵashqy 14 tomy 2 myń taralymmen “Kúl­te­gin” baspasynan jaryq kórgen. Bıyl taǵy 17 tomy shyǵarylady dep kútilýde eken. Jalpy, 2015 jyl­ǵa deıin onyń sanyn 138 tomǵa jetkizý josparlanǵan kó­rinedi. Mádenıet mınıstrliginiń qoldaýy­men shyǵarylǵan bul kóp­tom­dyq­tyń avtory – kór­nek­ti memleket jáne qoǵam qaı­ratkeri, fılologııa ǵylym­dary­nyń doktory, profes­sor Myr­za­taı Joldasbekov bolsa, ǵy­lymı ke­ńesshisi – Prezıdent Ke­ń­se­siniń bastyǵy, saıası ǵy­lym­dar doktory Mahmud Qasymbekov. M.Joldasbekov buqaralyq aqparat quraldary ókilderine ber­gen baspasóz máslıhatynda táýel­siz eldiń tarıhy búginnen jazyl­mas, onda kópti joǵaltqanymyz bolar edi, degendi erekshe aıtty. Memleket basshysy N.Á.Nazar­baev­tyń kelisimi jáne qoldaýy­men elimizde prezıdenttik ınstı­týty engizilýi men memleket ta­rıhyn zert­teý ǵylymı zerthanasy quryl­ǵan. Joba avtory Elbasy­nyń al­dyn­da bolǵan kezinde bul ıdeıa jyly qabyldanyp, onyń óz halqy men Otanyna qyzmet etetin ári súıe biletin adamdy daıyndaý úshin qajet ekeni basa aıtylypty. Derekterdi jınaý ońaı bol­ma­ǵandyǵymen bólisken M.Joldas­bekov táýelsizdik alǵan alǵashqy jyl­dardaǵy basylymdardyń pa­raq­­tary bolmaı shyqqany da ózin­dik kedergi bolǵandyǵyn alǵa tart­ty. Áıtse de osylaısha ǵylymǵa birinshi qadam jasalyp otyr. Joba avtorynyń pikirinshe, elimizde 15 myńdaı mektep, 10 myń kitaphana, 180 oqý mekemesi bar bolsa, 2 myń danamen jaryq kórgen kitap barlyǵyna birdeı jete bermeıdi. Tusaýkeser rásiminiń maqsaty – ulttyq sanany qalyptastyrý, Uly dala tarıhyn óskeleń urpaq sana­synda tiriltý, keleshek urpaq­tyń táýelsiz Otanyna degen qur­met se­zi­min oıatý. Negizinen bul eń­bek­ter­diń elimiz táýelsizdiginiń 20 jyl­dy­ǵy qarsańynda elin súı­gen Elba­synyń táýelsiz mem­leketti qurýy, qa­lyptastyrýy, eldiń áleýmettik irgesiniń berigýi men ishki turaq­ty­lyqqa qosqan rııasyz eńbegi jáne ózge de qyr­la­ry jan-jaqty ashyp kórsetilgen. Atalǵan sharaǵa Prezıdent Ákim­shiliginiń qyzmetkerleri, Par­lament Senaty men Májilisiniń depýtattary, mınıstrlikter men ve­dom­stvolar ókilderi, memleket jáne qoǵam qaıratkerleri, “Nur Otan” HDP Ortalyq apparatynyń qyzmetkerleri, t.b. qatysty. Prezıdent Ákimshiligi Basshysynyń orynbasary Máýlen Áshimbaev jańa jobanyń mán-mańyzy jónin­de keńinen oı tolǵap, sóz sóıledi. Asqar TURAPBAIULY.