Aımaqtar • 30 Qazan, 2020

SQO-da belgisiz bir adam medısına qyzmetkerlerin granatamen qorqytqan

14 ret kórsetildi

Jýyrda ǵana SQO Aıyrtaý aýdanynda jaýyngerlik granata tabylǵanyn jazǵan edik. Al keshe oblystyq PD baspasóz qyzmeti Petropavl qalasynyń №4 emhanasynda bir adamnyń granatamen medısına qyzmetkerlerin qorqytyp, dúrbeleń týdyrǵanyn habarlap otyr.

Soltústik Qazaqstanda tolyp ketken bul ne degen kóp granata dep tań qalmasqa lajyń joq. Granata birneshe adamnyń ómirin birden jalmaı alatyn óte qaýipti jaraq. Onyń kúzetilýi men qoldanylýy barynsha qatań bolýy kerek edi. Al Aıyrtaý aýdanynda ol pakettiń ishinde bos jatyp, ıtin qydyrtyp júrgen turǵyn abaısyzda taýyp alǵan. Eger ol baısaldy kisiniń emes, bala-shaǵanyń nemese jaman oıly adamnyń qolyna tússe – nátıjesiniń qandaı bolaryn boljaýdyń ózi qıyn.

Al keshe Petropavl qalasynyń 58 jasar turǵyny medısına qyzmetkerlerin ony kóterip jáne jaramyn dep aıǵaı salyp, emhananyń jumysyn birshama ýaqytqa toqtatyp qoıǵan. Oqıǵa ornyna shuǵyl túrde jetken polısııa qyzmetkerleri medısına qyzmetkerleri men emhanaǵa kelgen júzdegen adam evakýasııalanǵan. Granata kóterýshiniń ózi de qolǵa tústi. "102 arnasyna dabyl saǵat 9.10-da tústi. Oqıǵa ornyna barlyq qyzmetter jiberildi. №4 emhanadan medısına qyzmetkeri men 100-den asa emdelýshiler shyǵaryldy", - dedi SQO Polısııa departamenti bastyǵynyń orynbasary Eńbek Sembın.

Jarǵysh tehnık-mamandary oq-dárini alyp, qaýipti jarylǵysh zattardy tasymaldaýǵa arnalǵan konteınerge ornalastyrǵan. Ony ustaǵan adam ustalyp, Petropavl qalasy PB birinshi bólimine jetkizildi. Osy fakti boıynsha QK 287-baby 3-bóligindegi "Qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý" babymen sotqa deıingi is qozǵaldy. Tergeý aıasynda qajetti saraptama taǵaıyndalatyn bolady. Sonymen birge onyń barysynda oqıǵanyń sebepteri men barlyq mán-jaıy anyqtalatyn shyǵar.

Ustalǵan adamnyń aıtýynsha, onyń osyndaı áreketke barýyna medısına mekemesiniń qyzmet kórsetý sapasyna degen narazylyq ıtermelegen. Shynynda da Petropavlda kóptegen medısına qyzmetkerleri adamdardyń júıkesin juqartatyny shyndyq. Ondaılar sypaıylyq degendi atymen bilmeıdi. О́ıtkeni, basshylary sondaı bolýdy talap etpeıtin sııaqty.

Al ustalǵan adam Aýǵan soǵysyna qatysyp, júıkesi jaı da juqarǵan jan ekendigi belgili bolǵan. Sonymen qatar onyń parolımpıadalyq oıyndarǵa qatysqany da anyqtaldy.

SQO PD jarǵysh tehnık-mamandarynyń aldyn-ala júrgizgen tekserisine qaraǵanda ol qolyna alǵan F-1 granatasynda tutandyrǵysh bolmaǵan. Demek, onyń jarylýy da múmkin emes. Alaıda kóp adamdy qorqytyp, júrekterin shaılyqtyryp, jaraq kótergendiktiń ózi sotta onyń jaýapkershiligin tómendetpeıtini haq.

PETROPAVL

Sońǵy jańalyqtar

Aqbóken ósimin retteı alamyz ba?!

Aımaqtar • Búgin, 22:32

Úlken ótirik jáne onyń saldary

Álem • Búgin, 22:29

Qostanaı oblysynda kólik órti jıilegen

Aımaqtar • Búgin, 18:00

Búgin – Halyqaralyq Mýzeı kúni

О́ner • Búgin, 15:12

Koroldik klýb kósh bastap tur

Fýtbol • Búgin, 14:44

Aıda Balaevanyń anasy ómirden ozdy

Qoǵam • Búgin, 11:54

Dollar baǵasy taǵy arzandady

Ekonomıka • Búgin, 11:30

ShQO-da jol apatynan 1 adam kóz jumdy

Oqıǵa • Búgin, 11:23

Uqsas jańalyqtar