Onyń aıtýynsha, qazirgi "Z" urpaq - eń aqyldy býyn. Kóp nársemen shuǵyldanady. Osyǵan oraı, balalarǵa laıyq jobalar usynylýda.
"Jalpy, álemniń myqty ýnıversıtetteriniń barlyǵy eń birinshi balanyń tereń oıyna qaraıdy. Bul kitap oqý arqyly bolady. Qazirgi pandemııa kezinde "Kitap" mobıldik qosymshasy ázirlendi. Bul "Z" tyń eń úlken problemasy – qyzyǵýshylyǵy men motıvasııasyn oıatýǵa baǵyttalǵan joba. Olar – eń alǵashqy sıfrlyq álemniń turǵyny. Vırtýaldy álemniń adamy. Bul býynǵa beretin kontent onlaın bolmasa jetistikke jetý múmkin emes", deıdi spıker.
"Kitap" jobasy osy balalardyń qabiletterin, erekshelikterin eskere otyryp ázirlendi. Bala úıinde áke-sheshesiniń baqylaýymen kúnine 20 mınýt kitap oqıdy jáne kúndelikti jetistigin kóre alady. Málimetter oqýshylar, synyptar, jalpy, Qazaqstan boıynsha usynylady. Oıyn turǵysynda ázirlengen jobanyń 6 deńgeıi bar. Ár deńgeıde upaı beriledi. Aı sońynda qorytyndy shyǵarylyp, balanyń deńgeıi anyqtalady. Syılyqtar beriledi.
Taǵy bir qosymsha "Talap" dep atalady. Onda bala óz aldyna kúndik, aptalyq jáne aılyq maqsattar qoıady. Osy onlaın qosymshalar arqyly balanyń, ata-ananyń belsendiligin tirkeledi.
