"Jumys toby 20-dan artyq otyrys ótkizdi. Ǵylymı negizge, praktıkalyq qoldanymǵa baılanysty birneshe usynys tústi. Sonyń bári zerdelenip, osy ýaqytqa deıin baǵdarlama, oqýlyq jasap júrgen naqty avtorlardyń qatysýymen jumys toby jumysyn aıaqtady. Ekinshi másele, álippeniń oqý baǵdarlamasyna qatysty oqýlyqtar ázirleý jumysy bastaldy. Bul jumystyń sońy retinde aldaǵy 2021 jyldyń qańtar aıynda oqýlyqtar aprobasııaǵa engiziledi. Ol úshin BǴM aprobasııa ótkizetin pılottyq mektepterdiń tizimin bekitti. Osy bekitilgen mektepterde álippeniń baǵdarlamasy birinshiden zerdelenetin bolady. Sodan keıin oqýlyq ázirleýge baılanysty barlyq kezeńnen tolyq ótedi. Saraptamadan ótken oqýlyqtar oqý jylynda mektepterge engiziledi", dedi vıse-mınıstr.
Vıse-mınıstrdiń aıtýynsha, jalpy, álippeni 2021-2022 oqý jylynda engizý josparlanǵan eken. Osy josparǵa saı jumys júrgizilip jatyr. (...) Álippeniń jalpy mazmuny Ahmet Baıtursynulynyń ádistemesin paıdalanyp jasalatyny aıtyldy. Bul júıe, birinshiden, oqýshylardyń bilimine qatysty naǵyz talaptardy qaraı biletin: dybystardyń reti, qoldaný jıiligi eskerilgenin alǵa tartty.
Vedomstvo ókili álippeni oqytýdyń úsh kezeńi baryn atap ótti: álippege deıingi kezeń, álippe kezeńi, álippeden keıingi kezeń.
"Osynyń eki kezeńi Álippe oqýlyǵy arqyly, al álippeden keıingi kezeń Ana tili oqýlyǵy arqyly jalǵasyp iske asyrylady. Burynǵy oqýlyqta álippege deıingi kezeńge kóp kóńil bólgen. Qazirgi oqytylyp jatqan pánniń ishinde de osy erekshelikterge toqtalǵan, biraq óz erekshelikteri naqty oqýǵa baılanysty berilgen. Sodan keıin búginde ata-analardyń túsinispeýshiligin týdyryp jatqan tustary bar. Bári eskerilip, qazirgi jasalatyn Álippe oqýlyǵy balanyń neǵurlym fızıologııalyq jas erekshelikterin eskerip jasalady. О́te mańyzdy – álippe kezeńi. Árip úıretý, dybys úıretý, býyn úıretý. Osy kezeńge basa nazar aýdarylǵan. О́zderińizge belgili, Álippemen qoshtasý jeltoqsanda ótetin. Qazirgi prınsıp te osyǵan jasalyp, Ana tili oqýlyǵyna kóship, jalpy oqýshynyń sóz talǵamy, sózjasamyn damytý kezeńi osy Ana tili kezeńi arqyly júrgiziledi", dedi vıse-mınıstr.
Eske salaıyq, elimizde ata-analar oqýshylarǵa Álippeni qaıtarýdy talap etip, narazy bolǵan. Sodan soń Bilim jáne ǵylym mınıstrligi jańa álippe Ahmet Baıtursynulynyń ádistemesi negizinde jasalatynyn habarlady.
