Polıseıler adamdar kóp jınalatyn jerlerge baryp (skverler, saıabaqtar, avtobýs aıaldamalary), turǵyndarǵa qaýipsizdik sharalaryn saqtaý kerektigin túsindiredi. Sondaı-aq, tártip saqshylary qoǵamdyq oryndarǵa barmaýdy jáne áleýmettik qashyqtyqty saqtaýdy eske salady. Eriktiler turǵyndarǵa maska taratty. О́tkizilgen aksııanyń negizgi maqsaty - koronavırýs ınfeksııasynyń taralýyna jol bermeý jáne elorda turǵyndaryn qorǵanys quraldarymen qamtamasyz etý.
"Elordalyq polısııa qyzmetkerleri karantın sharalary men azamattardyń ortaq jaýapkershiligi, sanıtarlyq normalar men áleýmettik qashyqtyqty saqtaýdyń mańyzdylyǵy týraly eske sala otyryp, halyqqa túsindirý jumystaryn júrgizýde. Kóp adam bul sharalardyń qajet ekenin biledi jáne atqarylyp jatqan jumystarǵa túsinistikpen qaraıdy", - deıdi jergilikti polısııa qyzmeti bóliminiń bastyǵy Azamat Sadyqov.
"Karantın rejıminiń alǵashqy kúnderinen bastap eriktiler bizben tyǵyz jumys isteýde. Olar maska taratty, al keshke mobıldi toptyń quramynda shekteý sharalaryn saqtaý úshin kóńil kóterý jáne oıyn-saýyq oryndaryn tekserý úshin reıdterge shyqty", - dep qosty ol.
Nur-Sultan qalasynyń polısııa departamenti saqtyq sharalary týraly eske salyp, azamattardy qoǵamdyq oryndarda jaýapty bolýǵa shaqyrady.
