Qazir Qor negizinen "Bıznestiń jol kartasy 2020" baǵdarlamasynyń sheńberinde kásipkerlerdiń alǵan nesıesiniń ósim paıyzdaryn sýbsıdııalaý arqyly qarjylyq kómek agentiniń rólin atqarýda. "Damý" qorynyń elimizdiń barlyq aımaqtarynda fılıaldary bar, olar jergilikti kásipkerlermen, qoǵamdyq uıymdarmen jáne jergilikti atqarýshy organdarmen tyǵyz baılanysady. Qordyń taǵy bir qyzmeti berilgen nesıelerge bankterdiń aldynda kepildik bere alady, lızıngtik mámilelerdi jeńildikpen qarjylandyrady. Sonymen qatar bul qor kásipkerlikke oqytý, konsaltıngtik qyzmet kórsetý, aqparattyq-saraptyq qoldaýlar bildirý sııaqty qarjylyq emes kómekter de kórsetedi.
О́tkende qordyń baspasóz qyzmeti Qostanaı men Soltústik Qazaqstan oblystaryna press-týr jasaǵan edi. Sol sharanyń barysynda tek bıyl ǵana Qor soltústikqazaqstandyq kásipkerlerdiń 115 jobasyn qoldap, 11,8 mlrd. teńgeniń memlekettik qoldaýyn kórsetkendigi belgili boldy. Osy soma tutasymen shaǵyn jáne orta bıznes ókilderiniń bankten alǵan nesıeleriniń ósim paıyzyn sýbsıdııalandyrý túrinde berilip otyr. Bulardan basqa 6 mlrd. teńgeniń 86 jobasyna kepildik berilgen.
"Bıylǵy "Damý" qorynyń 9 aıdaǵy bizge jasaǵan kómeginiń kólemi byltyrǵy tolyq jyldan asyp otyr. Jyldyń aıaǵyna deıin bul kómek byltyrǵymen salystyrǵanda 20 paıyzǵa artyq bolady dep boljap otyrmyz", deıdi "Damý" qorynyń aımaqtyq fılıalynyń basshysy Mereke Syzdyqov.
Soltústikqazaqstandyq "AgroProfı" kompanııasy Sergeevka jáne Býlaev qalalarynyń keıbir mekemelerine jylý jetkizýmen aınalysady. Osy kompanııa "Damý" qorynyń kómegin kórip otyrǵan kásiporyndardyń biri. Qazir olar Qordyń kómegimen satyp alǵan qazandyqtardyń arqasynda jylý energııasyn ózderi shyǵarady.
"Damý" qory kompanııanyń ATF bankten bes jylǵa 14 paıyzdyq ósimmen alǵan 86 mln teńge nesıesiniń 10 paıyzyn sýbsıdııalap otyr.
"Biz tek 4 paıyzdyq ósimdi tóleımiz. Bul bizge úlken kómek bolyp otyr. Aldaǵy ýaqytta biz jylýmen qamtý kólemin arttyryp, Petropavldaǵy tórt mektepti, Shal aqyn, Jambyl aýdandaryndaǵy mektepterdi de jylýmen qamtýdy josparlap otyrmyz", deıdi kompanııanyń dırektory Nıkolaı Denısov.
Aıta ketetin bir jaıt, osy kompanııa satyp alatyn polshalyq qazandyqtardyń sapasy joǵary jáne ekologııalyq otyndardy tolyq jaǵa alady. Ekologııalyq otynnyń qataryna saban qoldanylady. Onyń energııa qýatyn óndirýdegi tıimdiligi 85 paıyz.
Qordyń paıdasyn kórip otyrǵan taǵy bir kásipker Altynaı Sátına. Onyń kásiporny jeldetkish júıesin, jylý, pesh salýmen aınalysady.
"Memlekettik qoldaý qory baryn estigen soń men odan keńes alýǵa bardym. Jeńildikpen nesıelendirý joldary týraly bilip, ózimniń jobammen tanystyrǵan edim. "Damý" qory qoldaǵan soń ony bank te nesıelendirýge qarsy bolmady. Sóıtip men 6 paıyzdyq qana ósimmen 60 aıǵa 15,6 mln nesıe alýǵa qol jetkizdim. Qazir onyń birazyn jóndeý jumystaryna, birazyn jańa jabdyqtar alýǵa jumsadym", deıdi kásipker.
"Qarapaıym zattar ekonomıkasy" memlekettik baǵdarlamasynyń sheńberinde "IýDI–dent" stomatologııalyq qyzmetterdi usynatyn kompanııasy Qordyń qoldaýymen jyldyq ósimi 6 paıyzben 29,3 mln teńge nesıe aldy. "Biz "Damý" Qorynyń qoldaýymen protezderdi jyldam daıyndaýǵa múmkindik beretin "Sıfrlyq zerthana" jabdyǵyn satyp alýǵa nesıe aldyq. Jabdyq óte qymbat turady, sondyqtan ony ózdigimizden satyp alýǵa múmkindigimiz bolmady. "Damý" qorynyń qoldaýynyń arqasynda bul problemamyzdy sheshtik", deıdi "IýDI-dent" JShS basshysy Iýlııa Redkına.
Mine, kásipkerlikpen aınalysyp jatqan soltústikqazaqstandyqtarǵa memleket «Damý» qory arqyly osyndaı kómekter kórsetip jatyr. Biz kómek alǵandardyń arasynan birnesheýin ǵana atadyq. Barlyq kómektiń kólemi 12 mlrd. teńgeniń mańynda. Osy ıgilikti paıdalanyp qazaq jigitteri de belsendirek qyzmet etse qanekı. Áıtpese, kásipkerlerdiń kóbi basqa esimdi adamdar ekeni kórinip tur.
Soltústik Qazaqstan oblysy
