"Epıdemııalyq jaǵdaıdyń turaqtalýyna baılanysty, karantındik sharalardy jeńildetýge baılanysty qaýly shyǵardyq. 2020 jyldyń 27 naýryzy men 02 qarasha aralyǵynda 3405 COVID -19 jaǵdaıy tirkeldi. Onyń ishinde 1160 shaǵymy bar, 2245 shaǵymsyz naýqas anyqtalyp, aýrýshańdyqtyń kórsetkishi 479,0 quraıdy. Reprodýktıvti kórsetkish 1,0. Tósek qorynyń kórsetkishi 33 paıyz. Koronovırýs ınfeksııasynan qaıtys bolǵandar - 72 naýqas, emdelip shyqqandar – 3299", dedi Berdibek Saraltaev.
6-shy qazanan bastap, О́zbekstan elimen "Tajen" avtomobıl ótkizý pýnkti arqyly oblysqa 4586 tranzıttik avtokólik pen 52 jaıaý jolaýshy kirdi. 32 azamatta PTR anyqtamasy bar, 20 jolaýshyda PTR testi joq. Test synamasy alynyp 20 azamattyń ishinen 2 oń nátıje anyqtaldy. Ekeýi de shaǵymsyz túrimen anyqtalýyna baılanysty úı karantınine alyndy.
Aıta keteıik, Mańǵystaýda 17 tamyzdan bastap 24 monıtorıng toby qurylyp, 665 reıdtik tekserý júrgizildi. Reıd kezinde 118 nysanda zań buzýshylyqtar anyqtalyp, 57 ákimshilik hattama toltyryldy.
