"9 qarashadan bastap Soltústik Qazaqstan oblysynan Qazaqstannyń basqa aımaqtaryna áýe nemese temirjol kóligimen sapar shegetin jolaýshylarda COVID-19-dy joqqa shyǵaratyn PTR-testtiń anyqtamasy bolýy kerek. Onyń jaramdy merzimi - alǵan kúnnen bastap 3 kúnnen aspaıdy. Bul talap 5 jasqa deıingi balalarǵa qoldanylmaıdy", - dedi Baıǵabylov.
Sonymen qatar, Soltústik Qazaqstan oblysynyń aýmaǵyn basyp ótkende jolaýshylar poıyzdarynyń toqtaýyna tyıym salynady jáne vagondar arasynda jolaýshylar qozǵalysyna shekteý qoıylady.
"Soltústik Qazaqstan oblysynan Qazaqstannyń basqa aımaqtaryna ushyp kelgen ushaq jolaýshylarynyń PTR-anyqtamasy áýejaıda tekseriledi. Sol sııaqty, tekserý temirjol kóliginde de júzege asyrylady. Jolaýshylardy basqa adamdardyń áýejaı men temirjol vokzaly ǵımaratyna shyǵaryp salýǵa nemese erip júrýge ruqsat etilmeıdi, ǵımaratqa bıletteri bar jolaýshylar ǵana kirgiziledi", - deıdi ol.
Eger PTR-anyqtamasy joq jolaýshylar anyqtalsa, tasymaldaýshylarǵa ákimshilik sharalar qoldanylady. Aıyppul kólemi - 1600 AEK. Kóliktegi bas memlekettik sanıtarlyq dárigerdiń tıisti qaýlysy veb-saıtta jarııalanyp, tıisti uıymdarǵa oryndaýǵa jiberiledi.
Aıta ketý kerek, dál osyndaı shekteýler Shyǵys Qazaqstan oblysynyń azamattaryna da qatysty qabyldanǵan bolatyn.
