Otyrysta janýarlarǵa qamqorlyq jasaý sekildi ózekti máseleler kóteriledi. Bul týraly janýarlardy qorǵaý uıymdarynyń ókilderimen kezdesýde ákimniń orynbasary Nurlan Soltambekov málimdedi. Ol eriktilerdi keńes qyzmetine belsendilik tanytyp, birinshi otyrysqa óz usynystaryn bildirýge shaqyrdy.
"Alda qys, aıaz bolady. Sondyqtan janýarlarǵa ýaqtyly kómek qajet. Qazirgi ýaqytta baspanada jóndeý jumystary júrgizilýde, qysqy qorshaýlar salynýda, sondaı-aq aýmaqtardy tazartý máselesi sheshilýde. Osy jáne basqa da ózekti máselelerdi qoǵamdyq keńeste kóterý qajet. Bul memlekettik organdardyń da, jurtshylyqtyń da janýarlar quqyqtaryn qorǵaý jónindegi jumysynyń odan ári strategııasyn ázirleýge kómektesedi", - dep atap ótti N.Soltambekov.
Aıta keteıik, keńes quramyna janýarlardy qorǵaý uıymdarynyń ókilderi, qoǵam qaıratkerleri, ǵalymdar men veterınarlar kirdi.
QR ekologııa, geologııa jáne tabıǵı resýrstar mınıstrligi ázirlegen "Janýarlarǵa jaýapty qatynas týraly" zańdy qabyldaý qorytyndysy boıynsha, zańdy iske asyrý úshin janýarlardy qorǵaý uıymdary ókilderiniń pikirin eskere otyryp, quqyqtyq aktiler qabyldanatyn bolady.
