Senator Aqylbek Kúrishbaev Úkimet basshysyna joldaǵan saýalynda "Bizdiń basty kemshiligimizdiń biri – kadrlardy daıarlaý júıesin zaman talabyna saı qalyptastyra almaǵanymyz. Búgingi tańda joǵary bilikti mamandardyń jetispeýshiligi bizdiń ekonomıkamyzdy damytýdyń eleýli tejegishi bolyp otyr", dedi.
Depýtat ýnıversıtetterdiń basqarý júıesine engizilgen reformalardaǵy ózge ǵylymı áleýetiniń, bilim berý baǵdarlamalary men ınfraqurylymynyń sapasyna erekshe mán berýkerektigine nazar aýdardy. Senator sheteldiń jetekshi ýnıversıtetterindegi tájirıbeni mysalǵakeltirip, elimizdegi JOO stýdentterge irgeli ǵylymdar boıynsha tıisti deńgeıde zamanaýı bilim bere almaı otyrǵanyn jetkizdi. Sonymen qatar, bizde alynǵan teorııalyq bilimge is júzinde mashyqtaný úshin, tájirıbelik bazalar joqtyń qasy ekenin atap ótti. Sheteldik aldyńǵy qatarly ýnıversıtetterdiń tájirıbesin paıdalana otyryp, elimizdegi bilim berý oshaqtaryn ǵylymı-zertteý oqý orny retinde aıqyndaý ǵylymı jobalardyń nátıjeli bolýyna ári tájirıbe jınaqtaýda tıimdilikke yqpal etedi.
Senator jalpy ýnıversıtetterdegi basqarý júıesine reforma qajet ekenin atap ótti. Arnaıy ǵylymı keńestiń alqaly quramyn taǵaıyndaý jáneonyń fýnksııalaryn zańmen bekitý qajettigi, al rektorlardy sol Ǵylymı keńeste saılaý týralyusynys aıtyldy.
Búginde Reseı, Germanııa sekildi memleketterdiń joǵarǵy oqý oryndarynyń basym bóligi zertteý baǵytyndaǵy ýnıversıtetter retinde jumys isteıdi. Senator dál osy júıeni elimizde de engizý jastardyń ǵylymǵa yqylasyn arttyryp, sapaly mamandardy daıarlaýǵa jol ashatynyna senimdi.
Bilim jáne ǵylym mınıstrliginiń málimetine sáıkes, 2019 jyly mamandardy daıyndaý úshinmemlekettik grantta oqyǵan ýnıversıtet túlekteriniń tek 40-74% jumysqa ornalasqan. Túlekterdiń óz mamandyǵyna saı jumysqa ornalasqany týraly naqty aqparat ta joq. "Eger jaǵdaı ózgermese, biz jyl saıyn bıýdjet qarjysynyń kem degende 10 mlrd teńgesintıimsiz jumsap otyramyz. Bul dáıekter elimizdiń joǵary bilim salasyndaǵy eleýli kemshilikterdiń betin ashyp otyr", dedi senator. Depýtattyq saýalda problemany sheshý úshin jeke menshik ýnıversıtetterdi jabý jetkiziliksiz, jalpy elimizdiń ýnıversıtettik júıeni túbegeıli retteıtin ýaqyt kelgeni aıtyldy.
