Sońǵy jeti kúnde reprodýktıvti san birlikten asyp, búginde 1,12-ni qurady. Sońǵy aptada COVID-19 aýrýy 1,3 ese nemese 27%-ǵa ósti. Bul týraly brıfıngte Nur-Sultannyń bas memlekettik sanıtarlyq dárigeri Janna Pirálıeva habarlady.
"4 qarashadaǵy jaǵdaı boıynsha koronavırýs ınfeksııasynyń jalpy 14709 jaǵdaıy tirkeldi. Olardyń 9030-y sımptomdy, 5679-y sımptomsyz. Qalanyń syrqattanýshylyq kórsetkishi ortasha respýblıkalyq kórsetkishten 2,1 ese joǵary jáne 100 myń turǵynǵa shaqqanda 1273-ti qurady", dep habarlady elordanyń bas memlekettik sanıtarlyq dárigeri.
COVID-19 belgileri bar pnevmonııamen syrqattanýshylyqty baqylaý 4 qarashadaǵy jaǵdaı boıynsha 596 jaǵdaı tirkelgenin kórsetti. Sońǵy 5 aptada kúnine 5 jaǵdaı tirkelýde.
Qoǵamdyq densaýlyq saqtaý basqarmasy basshysy Tımýr Mýratovtyń aıtýynsha, búginde Nur-Sultanda tósek-oryn syıymdylyǵy 1020 birlikti quraıtyn jeti aýrýhana bar. Koronavırýs ınfeksııasymen 85 jáne pnevmonııamen jatqan 29 naýqas bar. Jedel járdem qyzmeti kúnine 1561 qońyraý qabyldaıdy. Onyń ishinde orta eseppen 14 jaǵdaı KVI boıynsha shaqyrady.
Elordada KVI boıynsha bıomaterıaldar synamasyn alýǵa arnalǵan 15 zerthana bar.
Aýrýhanalardy COVID-19 emdeýge qajetti jabdyqtarmen qamtamasyz etýge keletin bolsaq, uıymdar ókpeni jasandy jeldetý apparattarymen, 19 kompıýterlik tomografpen, 27 rentgen apparatymen, 500-den astam ottegi konsentratorlarymen jáne 1584 ottegi núktelerimen tolyq jabdyqtalǵan.
Sonymen qatar qosymsha úsh ottegi rezervýary, 601 flýometr, 500 kópfýnksıonaldy medısınalyq tósek-oryn, 2 jyljymaly rentgen kesheni, 6 rentgen apparaty satyp alyndy.
