Alık Shpekbaev sybaılas jemqorlyqqa qarsy zańnamadaǵy ózgerister týraly sóz qozǵap, sondaı-aq elde júrgizilip jatqan jemqorlyqqa qarsy saıasat jáne qabyldanyp jatqan aldyn alý sharalary týraly egjeı-tegjeıli baıandady.
Atap aıtqanda, ol basshylardyń baǵynyshtylar arasyndaǵy sybaılas jemqorlyq úshin derbes jaýapkershiligi týraly eske saldy. Aǵymdaǵy jyldyń qyrkúıek aıynda Rýdnyı qalasynyń ákimi Ǵaıazov Qashar kentiniń ákimi Aldonǵarovtyń jemqorlyq qylmysy úshin berilgen otstavka aıasynda atqarǵan qyzmetinen bosatyldy.
"Qazirgi tańda sybaılas jemqorlyqqa qarsy zańnama ár basshyǵa joǵary talaptar qoıyp otyr. Sizder tutas memlekettik organnyń jumysy tazalyq pen parasattylyqqa baǵyttalýǵa baılanysty ekenin jete túsinýlerińiz qajet. Sondyqtan basshylardyń jemqorlyqqa jol ashatyn kez kelgen jaǵdaıdy joıý boıynsha belsendi áreket jasaýy mańyzdy. Bul úshin barlyq quraldar bar. Eń bastysy – shynaıy nıettiń bolýy", dedi Sybaılas jemqorlyqqa qarsy qyzmet basshysy.
Sybaılas jemqorlyqqa qarsy is-qımyl vedomstvosynyń basshysy azamattarmen syndarly dıalogty keńeıtý qajettiligine, jergilikti atqarýshy organdardyń azamattar úshin qolaıly jaǵdaı jasaý jumysyn kúsheıtý men qoǵamdyq baqylaýǵa nazar aýdardy.
Qoǵamdyq uıymdar ókilderine arnaǵan sózinde Alık Shpekbaev memlekettik organdardyń jumysyn transformasııalaýda azamattardyń róli artyp kele jatqanyn atap ótti. "Árkimniń úlesi óte qundy. Alaıda, sózden iske kóshý turǵysynan belsendilik qajet: "Synǵa alsań – tıisti sharalardy usyn, olardy iske asyrý arqylyjaýapkershilikti sezin", dep basa aıtty.
HQKO týraly aıta kele, Alık Shpekbaev elektrondyq memlekettik qyzmet kórsetýdiń údemeli damýyn atap ótti: "Qaǵaz júzinde kórsetiletin qyzmetter – ótken kúnniń belgisi. Sheneýnikpen baılanys ornatý arqylyqyzmet kórsetý turmystyq sybaılas jemqorlyq qaýpin arttyrady. HQKO-lardyń sanyn kóbeıtýdiń qajeti joq. Azamattardy elektrondyq múmkindiktermen jumys isteý daǵdylaryna úıretýge jáne ákimdikterdiń front-keńselerin sapaly pysyqtaýǵa nazar aýdarý qajet".
Jastar uıymy ókiliniń suraqtaryna jaýap bere otyryp, Alık Shpekbaev bylaı dedi: "Shynynda da, memlekettik apparatty qysqartý boıynsha jumystar belsendi júrgizilýde. Memlekettik qyzmette neǵurlym tıimdi qyzmetkerler qalýǵa tıis. Saıasattyń yqshamdylyqqa baǵdarlanǵanyna qaramastan, adal, bilimdi jáne talantty jastarǵa konkýrstyq negizde jumysqa ótýjoly árqashan ashyq bolatynyna senimdimin".
