Sport • 06 Qarasha, 2020

Taǵy da 24-orynda

93 ret
kórsetildi
1 mın
oqý úshin

Bul kúnderi Pıreneı túbeginde ótip jatqan «Ispanııa Výeltasy» kópkún­diginiń 14-kezeńi belgııalyq veloshabandoz Tım Vellenstiń jeńisimen aıaqtaldy.

Taǵy da 24-orynda

«Lotto Soudal» klýby sapynda óner kórsetetin atalǵan sportshy Lýgo men Orense qalalary aralyǵyn qamtyǵan 204,7 shaqyrymdyq qashyqtyqty 4 saǵat 37 mınýt 05 sekýndta júrip ótti. Ekinshi jáne úshinshi oryndardy kanadalyq Maıkl Výds («EF Pro Cycling») pen chehııalyq Zdenek Shtybar («Deceuninck-Quick Step») ıelendi. «Astananyń» veloshabandozdary arasynda eń táýir kórsetkishke Aleksandr Vlasov qol jetkizdi. Ol 24 satyǵa taban tiredi. Bir aıta keterligi, reseılik legıoner 23-kezeńde de dál osyndaı nátıjege ıek artqan bolatyn.

Jalpy eseptegi jaǵdaı aıtarlyqtaı ózgergen joq. Áli de «Team Jumbo-Visma» klý­bynyń serkesi Prımoj Roglıchke teń keler eshkim tabylar emes. Slovenııalyq sport­shynyń ýaqyty – 53:57:05. Ekvadorlyq Rıchard Karapas («INEOS Grenadiers») ekin­shi jáne ulybrıtanııalyq HıýKartı («EF Pro Cycling») úshinshi satyǵa jaıǵasty. Al qa­­zaqstandyq komandanyń múshesi Alek­sandr Vlasov toǵyzynshy ornyn saqtap qaldy.