Memlekettik qyzmet kórsetý jetildiriledi

Memleket basshysynyń bul máselege nazar aýdarýy tegin emes. Osy salany jetildire túsý, qyzmet kórsetý sapasyn arttyrý búgingi kúni kezek kúttirmeıtin másele. Jýyrda Soltústik Qazaq­stan oblystyq Memlekettik qyz­met departamentiniń basshysy Elena Stepanenko jýrnalıs­ter­ge osy Joldaýdyń talaptaryn iske asyrý aıasynda atqa­ry­lyp jat­qan jumystar jáne 9 aıdyń qory­tyndysy týraly aıtyp bergen edi.

Ústimizdegi jyldyń 9 aıyn­da Memlekettik qyzmet depar­tamentiniń málimetine qaraǵanda jergilikti atqarýshy organdar halyqqa barlyq qyzmettiń 92,5%-yn elektrondy túrde kórsetken. Bul shamamen 3,8 mln qyzmet degen sóz. Al barlyq qyzmet sany 4,8 mln bolǵan. 2019 jyldyń sáıkes merzimimen salystyrǵanda bul 14% kóp. Qazir qaǵaz túrinde usy­nylatyn qyzmetter sanynyń qys­qartylýy jalǵasýda. Sonyń ishin­de Memlekettik korporasııa bólim­deri arqyly kórsetilgen qyz­metter 2 ese, balama qyz­metter 3 ese azaıdy. Sonymen qatar, Elbasynyń elektrondy mem­lekettik qyzmetterdi damy­tý jáne elektrondy qyzmet­ter úlesin 90%-ǵa deıin jetkizý jónin­degi tapsyrmasyn eskere otyryp, departament «bir ótinish» negi­zinde birneshe memlekettik qyz­met kórsetý úshin qyzmetter tizi­limine, qyzmet kórsetý barysynda qoldanylatyn aqpa­rat­tyq júıelerge taldaý jasaý­da. Máselen, bıyl Agenttikke týyl­ǵan balany asyrap alý jáne qamqorlyqqa alý qyzmetin «Balanyń týýy men kútimi boıynsha járdemaqy taǵaıyndaý» qyzmetimen birge proaktıvti nysanda kórsetý jónindegi usynys jiberilgen. Sondaı-aq 146 qyz­met boıynsha problemalyq máse­leler týyndaǵan. Olardy joıý jónindegi usynystar da Agent­tikke joldanypty. Sonyń ishinde oń sheshimin tapqan máselelerdiń biri – oblystyń sharýa qoja­lyq­taryna tyńaıtqyshtar qunyn tóleý úshin sýbsıdııa bólý jó­nindegi ótinishterin berýine múm­kindik týǵan. Qazir olar sýbsıdııa­lardy resimdeı bastady.

Elektrondy nysanǵa aýys­ty­rylǵan memlekettik qyzmet­terdiń qoljetimdiligine monı­torıng jasalǵanda da keı­bir problemalardyń bary anyq­talǵan. Mysaly, búgingi kúni múlik salyǵyn esepteýde prob­lema týyndap otyr. О́ıtkeni, mem­­lekettik organdardyń aqpa­rat­tyq júıelerinde aqaýlar paıda bolýda. Sondyqtan eseptel­gen salyqtar boıynsha túzetý­ler engizý maqsatynda mem­lekettik kirister organdarymen «e-Salyq» qosymshasy jasalǵan.

Elektrondy qyzmetterdi iske asyrýda «О́zine-ózi qyzmet kórsetý» sektorlary erekshe oryn alýda. Qazir oblysta sondaı 828 sektor qyzmet etýde, sonyń ishinde bıyl ǵana 127 sektor qosymsha ashylǵan.

Oblys ortalyǵynda 123 bu­rysh bar, olardyń barlyǵy 2 Gis qosymshasyna engizilgen, qal­ǵandary, ıaǵnı 85,1% aýyl­dyq eldimekender men aýdan or­ta­lyqtarynda ornalasqan. «О́zi­ne-ózi qyzmet kórsetý» bu­rysh­tary arqyly alynǵan qyz­metter sany byltyrǵy jylmen salystyrǵanda 27 myńǵa ulǵaıdy.

Prezıdent usynǵan «Halyq únine qulaq asatyn memleket» tujyrymdamasyn júzege asyrý sheńberinde oblys ákimdikteri Servıstik ákimdikter formatyna kóshýde. Qazir bar­lyq 13 aýdannyń 12-inde Ashyq ákimdikter qyzmet etýde. Sonymen qatar, Petropavl qala­synyń Ashyq ákimdigi janynda byltyrdan bastap «109 iKomek» biryńǵaı anyqtamalyq qyzmeti jumys isteı bastady.

Sonymen birge «Agro Úıde» «Agro Kómek» servıs or­talyǵy ashyldy, munda aýyl­sharýashylyq salasy­nyń 5 baǵyty boıynsha 5 maman keńestik kómek kórsetýde. Departament qyzmetkerleri jumys qabiletteri jáne jaıly jaǵdaılardyń jasalýyna monıtorıng júrgizip, qyzmet kórsetý úderisterin jetildirý boıynsha usynystar engizýde.

Aǵymdaǵy jyly úzdiksiz jumysty qamtamasyz etý úshin suranysqa ıe jáne asa mańyzdy mem­l­ekettik qyzmetterdi «Elek­trondy úkimet» portaly, «eGovmobile» mobıldi qosym­shasy jáne Telegram messendjeri arqyly alý múmkindigin túsin­diretin 83 oqytý nusqamasy ázir­­lendi. Sonymen qatar, bul aq­parat Instagramdaǵy «eGOV-ta qalaı memlekettik kórsetiletin qyzmetterdi alýǵa bolady» degen paraqshada ornalastyrylǵan. Nus­qamalar ÚIK, eriktiler jáne kommýnaldyq qyzmetter tutyný­shylarynyń jeke kabınetteri arqyly taratylǵan. Ázirge oǵan 4520 jeke tulǵa jáne 3035 zańdy tulǵa kirgen. Elektrondy sıfrly qol qoıýdy (ESQ) qashyqtan alý úshin eGov mobile, Digital agent qosymshalary boıynsha túbir­tektermen birge túsindirý kitapshalary men paraqshalary qosa jiberiledi.

Byltyrǵymen salystyrǵanda kór­­­setilgen memlekettik qyz­met­­ter salasyndaǵy ákimshilik qu­­qyq buzýshylyqtar sany 4,7 ese tó­mendedi. Memlekettik qyz­met kór­setý jáne memlekettik organ­­­dar­­dyń jumysyna qatysty De­par­­­­t­amentke barlyǵy 36 óti­nish tú­sip, olardyń altaýynyń buzyl­­ǵan qu­qyqtary tolyq qal­pyna kel­ti­rilgen. Mysaly, «Pýsh­kın» JShS shaǵymynyń Esil aýda­ny­nyń jer kadastry bóli­mi­niń ús­tinen jer ýchaskesiniń qu­­nyn anyq­taý boıynsha qatelik jibe­­rilg­eni týraly shaǵymy anyq­taldy. Depar­tament usy­nys­taryn jiber­ge­ninen keıin artyq tólengen qarajat ótinish ıesiniń shotyna qaıtaryldy.

Alaıda baıandamada Prezı­denttiń Joldaýyndaǵy taǵy bir talaby – memlekettik qyzmetshiler sanynyń qysqartylýy boıynsha eshqandaı derekter aıtylmady. Onyń ústine naqty faktiler kórsetilmeı, jalpylama aıtylǵan jaılar jýrnalıster tarapynan narazylyq týdyrdy.

Soltústik Qazaqstan oblysy