Májiliste «Nur Otan» partııasy fraksııasynyń jıyny ótip, Parlamenttegi eń iri fraksııa qyzmetiniń aýqymdy máseleleri talqylandy, dep habarlady osy palatanyń baspasóz qyzmeti.
Májiliste «Nur Otan» partııasy fraksııasynyń jıyny ótip, Parlamenttegi eń iri fraksııa qyzmetiniń aýqymdy máseleleri talqylandy, dep habarlady osy palatanyń baspasóz qyzmeti.
Jıyn barysynda palata Tóraǵasy, fraksııa jetekshisi Nurlan Nyǵmatýlınniń atap ótkenindeı, 28 qarasha men 7 jeltoqsan aralyǵynda májilismender jumysy elimiz óńirlerinde óz jalǵasyn tabady.
Halyq qalaýlylary eńbek ujymdarymen kezdesip, áleýmettik nysandardy aralaıdy, azamattardy jeke máseleleri boıynsha qabyldaıdy.
Kezdesý barysynda depýtattar, sondaı-aq, zań shyǵarmashylyq qyzmeti týraly, Elbasynyń «Qazaqstan-2050» Strategııasyn oryndaý jolynda Májilis maquldaǵan basty zań jobalary týraly, sonymen qatar, «Nur Otan» partııasynyń Saılaýaldy tuǵyrnamasynyń oryndalýy jaıynda áńgime órbitpek.
Májilis depýtattary aımaqtyń ózekti máselelerin baqylaýǵa alyp, turǵyndar saýaldaryna jaýap beredi jáne memlekettik baǵdarlamalardyń júzege asyrylý barysymen tanysady.
Májilismenderdiń kezekti saparynda tek oblys, aýdan ortalyqtary ǵana emes, shalǵaıdaǵy aýyldar men eldi mekender de keńinen qamtylmaq.
