Aýa raıy • 10 Qarasha, 2020

Elordada kóktaıǵaq pen qarly boran kútiledi

23 ret kórsetildi

Taıaý kúnderi elordada kóktaıǵaq, jel kúsheıip, qar jaýady dep kútiledi. Osyǵan baılanysty qutqarýshylar qolaısyz aýa raıynda saqtalýy kerek negizgi erejelerdi eskertedi, dep habarlaıdy Egemen.kz

Eger jel kúsheıse, qaýipsiz ǵımaratty panalaýǵa keńes beremiz. Qatty jelden úıdiń qabyrǵasyn yqtamańyz, óıtkeni shıfer jáne basqa shatyr materıaldary qulap ketýi múmkin.

"Qoǵamdyq kólik aıaldamalaryn, bılbordtar, salynbaǵan ǵımarattar, aǵashtardy yqtamańyz. Qatty jel kezinde elektr symdarynyń astynda turý, úzilgen elektr symdaryna jaqyndaý óte qaýipti. Boran kezinde birinshi kezekte elektr jelileri men jabdyqtardyń, turǵyn úılerdegi jylytý peshteriniń jaǵdaıyn tekserý kerek", deıdi qutqarýshylar.

Eger boran men daýylda jolda ústi kólikte tap bolsańyz toqtap, ashyq tústi shúberek ilip, turaqty belgileýińiz kerek.

Ári qaraı, mashınany jelge qarsy qoıyp, qozǵaltqyshty radıator jaǵynan jabý kerek.

"Janarmaıdy únemdeńiz, peshtiń úzdiksiz jumys isteýi mindetti emes. Eger kólikti qar basyp qalý qaýpi týyndasa, esikterdiń birin mezgil-mezgil ashyp, qar úıindisin arshyp, kólik salonynda qamalyp qalmaýǵa áreket jasańyz;

Mashınada qansha sýyq bolsańyz da, qozǵaltqyshty iske qospańyz. Qozǵaltqyshtyń jumysy kezinde bólinetin jáne únemi salonda jınalatyn paıdalanylǵan gazdar eń qatty aıazdan da qaýipti;

Eger jylynǵyńyz kelse dalaǵa shyǵyp, shyqqan gaz mashınanyń ishine jınalmas úshin, shyǵatyn qubyrdy qazyp alyńyz. Bul jaǵdaıda syrtqa shyǵar aldynda mindetti túrde arqan baılańyz;

Eger mashınańyz jolda turyp qalsa, úreılenbeńiz, jaǵdaıdy, baǵdarlardy, ornalasqan jerdi baǵalap, 112 qaýipsizdik qyzmetine qońyraý shalyńyz", delingen habarlamada.

Kóktaıǵaq bolǵan jaǵdaıda bıik óksheli aıaq kıimnen bas tartyp, jaıpaq tabany bar taıǵaq emes aıaq kıimdi tańdaý kerek.

"Joldyń júrý bóliginde óte saq bolyńyz: asyqpańyz, júgirmeńiz. Barlyq jerlerdi kólbeý betimen aınalyp ótýge tyrysyńyz; múmkindiginshe qolyńyzdy bos ustańyz, aýyr sómkeler ustamaýǵa tyrysyńyz, qoldaryńyzdy qaltańyzda ustamańyz. Bul qulaý yqtımaldyǵyn arttyrady. Egde jastaǵy adamdarǵa rezeńke taıaqshany nemese basy úshkir arnaıy taıaqshany qoldanýǵa keńes beriledi", dep túsindirdi mamandar.

Buǵan deıin 9-11 qarashada Nur-Sultanda kóktaıǵaq bolyp, ońtústik-batystan 15-20 m/s jyldamdyqpen jel soǵady dep habarlanǵan edi. 10-11 qarashada qarly boran bolady dep kútiledi.

Sońǵy jańalyqtar

Uqsas jańalyqtar