Nazarbaev zııatkerlik mektebinde órken jaıyp, órisin keńeıtip keledi
О́rkenıet jolyna túsken elderdegideı tııanaqty bilim, ónegeli tárbıe berip kele jatqan Nazarbaev zııatkerlik mektebiniń bedeli qazir óz Otanymyzda ǵana emes, shet jurttarǵa da keńinen málim bola bastady. Jaqynda, osy mekemeniń uıymdastyrýymen «Bilimdegi joǵary sapa men kóshbasshylyq – 2013» halyqaralyq konferensııasy bolǵan edi. Bul sharaǵa 400-ge jýyq qatysýshy álemdegi ozyq oqytý júıesi týraly jan-jaqty oı qozǵady.
Nazarbaev zııatkerlik mektebinde órken jaıyp, órisin keńeıtip keledi
О́rkenıet jolyna túsken elderdegideı tııanaqty bilim, ónegeli tárbıe berip kele jatqan Nazarbaev zııatkerlik mektebiniń bedeli qazir óz Otanymyzda ǵana emes, shet jurttarǵa da keńinen málim bola bastady. Jaqynda, osy mekemeniń uıymdastyrýymen «Bilimdegi joǵary sapa men kóshbasshylyq – 2013» halyqaralyq konferensııasy bolǵan edi. Bul sharaǵa 400-ge jýyq qatysýshy álemdegi ozyq oqytý júıesi týraly jan-jaqty oı qozǵady.
Alqaly jıynda Nazarbaev zııatkerlik mektepteri derbes bilim berý uıymynyń basqarma tóraıymy Kúlásh Shamshıdınova bilim berý kóshbasshylyq pen sapa taqyrybyn jan-jaqty qozǵaı kelip, «Nazarbaev zııatkerlik mektepteri bazasynda jasalyp jatqan jumystardyń barlyǵy bolashaqta orta bilim beretin mektepterde oryn alady. Sondyqtan biz qazir kópshilik nazaryna zamanaýı orta bilimniń qandaı bolý kerektigin jetkizý úshin bar kúsh-jigerimizdi jumsap jatyrmyz. Qazaq elindegi orta bilimniń qurylymy búkil dúnıe júzindegi úrdiske qaraı ózgerip jatqanyn aıta ketýimiz kerek», dep osyndaı basqosýlar kezinde bilim berý men urpaq tárbıesine qatysty aıqyndap, baǵyt-baǵdarymyzdy belgilep alýymyz kerektigin eske saldy.
57 halyqaralyq sarapshylar qatysqan konferensııa 48 seksııa aıasynda jumys istedi. Bilim berý júıesin damytýdyń jańa úrdisi ǵalamdyq jáne fılosofııalyq mánge ıe ekeni sóz bolyp, bilim paradıgmasynyń ózgerýi, jańa ádistemeler men tehnologııalar, muǵalimderdiń biliktiligin arttyrý, úshtildilik, Qazaqstan tarıhy arqyly táýelsiz eldiń jastaryn patrıotızm rýhynda tárbıeleý máselesi talqylandy. Zııatkerlik mekteptiń strategııalyq seriktesteri Nazarbaev, Kembrıdj ýnıversıtetteri, Kembrıdj Halyqaralyq keńesi, Cito pedagogıkalyq ólshemder ınstıtýty, Sheteldik ǵalymdar Koroldik akademııasy (Belgııa), Kalıfornııa shtaty ýnıversıteti (AQSh), Ulttyq bilim ınstıtýty (Sıngapýr) jáne basqa bilim ordalary Otanymyzdyń bilim uıasyndaǵy oń isterge qyzyǵýshylyq tanytty. Bilim mazmuny, oqý jetistikterin baǵalaý, muǵalimderdi kásiptik damytý jaıy da tııanaqty áńgime arqaýyna aınaldy.
Álemdik deńgeıdegi konferensııaǵa uıtqy bolǵan zııatkerlik mektepterdegi muǵalimder quramy óz ustazdarymyzben qatar, sheteldik bilikti kadrlarmen de tolyqtyrylatynyn aıta ketsek deımiz. Qazirgi tańda 1710 el muǵalimderimen qatar, 195 ózge elderden kelgen oqytýshylar sabaq berýde. Bul bilim ordasyna oqýshylar qatań konkýrstyq irikteý arqyly qabyldanatyny belgili. Qazaq eliniń kez kelgen aımaǵynan 5-6 synyp oqýshysy zııatkerlik mektepke vırtýaldy jáne demalys mektepteri arqyly túsýine múmkindik bar. Aıtalyq, vırtýaldy mektep tapsyrmalaryn sátti oryndaǵan oqýshylar demalys mektebinde kúndiz oqýǵa, sonymen birge, beıindi pánder boıynsha tapsyrmalar alýǵa shaqyrylady. Osy kezderi elimizdiń barlyq aımaqtarynan vırtýaldy mektepke 4129 oqýshy tirkelgen eken. Osylardyń arasynan ozat dep tanylǵandar mektepte oqý úshin grant alady. Taǵy bir aıta ketetin erekshelik, bul bilim ordasyn bitirgenderdiń kóbi ózderi qalaǵan joǵary oqý oryndaryna túsýge múmkindikteri mol. Máselen, bıylǵy oqý jylynda 78 túlek bitirse, olardyń ár altynshysy bilim týraly úzdik attestatqa jáne «Altyn belgige» ıe bolǵan.
Jalpy, bul bilim uıasyn bitirgenderdiń 135-si Nazarbaev Ýnıversıtetinde 27-si sheteldik joǵary oqý oryndarynda bilim alyp júr. Taǵy bir erekshe atap óterlik nárse, aǵymdaǵy jyly Atyraýda, Aqtóbede, Qaraǵandyda, Tarazda, Shymkentte, Qyzylordada, Pavlodarda Nazarbaev zııatkerlik mektepteri talapkerlerge óz esigin ashty. Aldaǵy ýaqytta mundaı bilim uıalary Almatyda, Aqtaýda, Qostanaıda shańyraq kóteredi.
Súleımen MÁMET,
«Egemen Qazaqstan».
