Aımaqtar • 10 Qarasha, 2020

Temirtaýda jańa gospıtal jumysyn bastady

47 ret kórsetildi

Temirtaý qalasynda ftızıatrııalyq ortalyq bazasynda ashylǵan ınfeksııalyq gospıtal paıdalanýǵa berildi, dep habarlaıdy Egemen.kz oblys ákiminiń baspasóz qyzmetine silteme jasap.

Medısınalyq mekemede alǵashqy naýqastardy qabyldaýǵa bári de daıyn: munda 15-reanımasııalyq tósekti qosqanda 200 oryn, sondaı-aq sandyq rentgen apparaty men basqa da qajetti qural-jabdyqtyń bári bar.

Temirtaýdaǵy ortalyq aýrýhana dırektorynyń orynbasary Rınat Gatın atalǵan gospıtaldiń koronavırýs ınfeksııasynyń bolýy yqtımal ekinshi tolqynyna toıtarys berýge saqadaı-saı ekenin aıtady.

1

– Gospıtalda tolyq jabdyqtalǵan 15 reanımasııalyq tósek-oryn ashyldy. Munda 30 núktege ortalyq ottegi berý, jańa О́JJ-apparattary, 145 ottegi konsentratory qarastyrylǵan. Baqylaý monıtorlary, elektr sorǵylary bar, ortalyqtandyrylǵan jeldetý júıesi ornatylǵan. Jańa sandyq rentgen júıesi satyp alynyp, ornatyldy. Bul apparattyń múmkindigi óte mol. Ǵımarat qyzyl jáne jasyl aımaqtarǵa bólingen, bul medısına qyzmetkerleriniń ınfeksııany juqtyryp alý qaýpin azaıtady, – deıdi ol.

1

Qazir jańa gospıtalde 73 medısınalyq qyzmetker eńbek etedi. Olardyń quramy kadrlarǵa degen qajettilikke baılanysty ózgerip otyrýy múmkin.⠀

Jalpy, Temirtaý qalasynda budan bólek konservasııalanǵan taǵy eki gospıtal jumys isteıdi. Bul degenińiz, metallýrgter shaharynyń ınfeksııalyq stasıonarlaryndaǵy oryndardyń jalpy sany 500-den astam tósekti quraıdy degen sóz.

Sońǵy jańalyqtar

Ekibastuz qalasynyń ákimi taǵaıyndaldy

Taǵaıyndaý • Búgin, 16:42

Mal dárigerleriniń jalaqysy ósedi

Qazaqstan • Búgin, 16:27

Dollar qymbattady

Ekonomıka • Búgin, 16:15

Elordada Astana Open týrnıri ótedi

Tennıs • Búgin, 14:01

Kúzde aýa raıy qandaı bolady

Aýa raıy • Búgin, 13:33

Ulttyq qorǵa 3,4 trln teńge tústi

Qarjy • Búgin, 12:54

Uqsas jańalyqtar