Osyndaı taqyryppen О́skemende memlekettik tildiń qoldaný aıasyn keńeıtý, til mártebesin, rýhyn asqaqtatý, halyq arasyndaǵy talapty da talantty jastardy izdep tabý, olardyń shyǵarmashylyq bastamasyna qoldaý kórsetý maqsatynda Shyǵys Qazaqstan oblysynyń tilderdi damytý basqarmasynyń qoldaýymen jazba aqyndardyń músháırasy bolyp ótti.
Osyndaı taqyryppen О́skemende memlekettik tildiń qoldaný aıasyn keńeıtý, til mártebesin, rýhyn asqaqtatý, halyq arasyndaǵy talapty da talantty jastardy izdep tabý, olardyń shyǵarmashylyq bastamasyna qoldaý kórsetý maqsatynda Shyǵys Qazaqstan oblysynyń tilderdi damytý basqarmasynyń qoldaýymen jazba aqyndardyń músháırasy bolyp ótti.
Músháıraǵa 30-dan astam úmitker qatysty. Birinshi kezeńde qazylar alqasynyń irikteýinen ótken 12 aqyn Dostyq úıinde ózderiniń til týraly óleńderin oqydy. Músháırada birinshi oryndy jeńip alǵan Baqjan Elsinbekqyzynyń «Tiltumar» degen óleńi jınalǵandarǵa kóp oı saldy. Táýelsizdik alǵan 22 jylda til problemasy sheshilýdiń ornyna quldyryp bara jatqandaı ma qalaı?
«Qundyz bórik boıjetkenbiz,
qurbym-aý,
Kún qatparly aq shymyldyq
tur mynaý.
Anam taqty aq jelekke
Tiltumar,
Tiline eshkim salmasyn
qylburaý».
Sonymen, 12 aqynnyń óleńderine qazylar alqasy tóreligin shyǵardy. Qazylar alqasynyń tóraǵasy aqyn, birneshe jyr jınaqtarynyń avtory Serik Ǵabdýllauly óleńderdiń mazmuny men kórkemdigi, oı júıeligi men tereńdigi, taqyrypty qamtý, sóz qoldanysy, uıqasy men ózektiligine mán bergenderin aıtty. Bas júldeni Semeı memlekettik pedagogıkalyq ýnıversıteti til ádebıeti fakýltetiniń stýdenti Baýyrjan Igilik jeńip aldy. Baqjan Elsinbekqyzy birinshi, Qasterbek Saılaýǵazyuly ekinshi, al Qyzyrbek Dúrginbaıuly úshinshi oryndardy ıelendi. Músháırany júrgizgen Záýresh Tóleýhanqyzy jergilikti kórkemónerpazdardyń ónerin kópshilik talqysyna usynyp, arasynda til týraly óleńderdi oqyp, kópshilikti uıytyp tastady. «Týǵan tilim – sarqylmas qazynam» degen jyr músháırasynyń taǵylymdy jaqtary mol boldy.
Ońdasyn ELÝBAI,
«Egemen Qazaqstan».
О́SKEMEN.
