"Aqtóbe stansasyndaǵy Jelilik polısııa bóliminiń qyzmetkerleri "Oral-Almaty" baǵytyndaǵy jolaýshylar poıyzynan qoǵamdyq tártipti buzǵan 42 jáne 36 jastaǵy eki er adamdy poezd bastyǵynyń aktisimen túsirip aldy", dedi Kóliktegi polısııa departamenti bastyǵynyń birinshi orynbasary Qalıjan Qoblandın.
Onyń aıtýynsha, tekserý kezinde kólik polıseıleri quqyq buzýshylardyń Ázerbaıjan men О́zbekstan respýblıkalarynyń azamattary ekendikterin anyqtady.
"Er azamattar túngi ýaqytta masań kúıde bolyp, ózderin agressıvti ustaǵan, tipti, balaǵat sózder aıtyp, qoǵamdyq oryndarda adamnyń qadir-qasıetin qorlaıtyn sózder aıtqan, osylaısha azamattardyń tynyshtyǵyna kedergi keltirdi", deıdi ótinish berýshi.
Joǵaryda atalǵan tulǵalarǵa qatysty QR ÁQBtK-niń 434, 437, 440, 441-baptary boıynsha, ıaǵnı, usaq buzaqylyq úshin, tynyshtyqty buzǵany úshin, alkogoldik ishimdikterdi ishkeni nemese qoǵamdyq oryndarǵa masań kúıde kelgeni jáne belgilengen oryndarda temeki buıymdaryn, onyń ishinde qyzdyrylatyn temekisi bar buıymdardy, qorqorǵa arnalǵan temekini, qorqor qospasyn, temeki qyzdyrýǵa arnalǵan júıelerdi, tutynýdyń elektrondyq júıelerin jáne olarǵa arnalǵan suıyqtyqtardy tutynýǵa tyıym salýdy buzǵany úshin tórt ákimshilik hattama toltyryldy", dep túıindedi sózin Q.Qoblandın.
"Aqtóbe qalasynyń Mamandandyrylǵan ákimshilik sotynyń qaýlysymen sheteldik azamattar ákimshilik quqyq buzýshylyq jasaǵany úshin kináli dep tanylyp, 3 jáne 2 táýlik merzimge ákimshilik qamaýǵa alyndy", dedi polısııa polkovnıgi.
