Qaratóbe aýdanyndaǵy kishkentaı Hankól aýylynyń turǵyndary óz aýylynyń mańynda sary shashty áıeldiń elesi paıda boldy dep alańdaýly. Ol adamdardy qorqytady. Jergilikti turǵyndar tipti jyn-perilerden arylý úshin sadaqa berip, qurbandyq shalý rásimin de jasady.
"Sary shashty jas áıel trassada qydyryp júr. Adamdar odan qatty qorqady, tipti er adamdar qorqyp joldan óte almaı júr", deıdi jergilikti turǵyndar.
Taǵy bir turǵynnyń aıtýynsha, sary shashty áıel kóliktegi júrgizýshilerdiń qasyna otyryp, rýldi basqarýǵa kedergi keltirgen.
Keıingi kúnderi jelide "Hankóldegi eleske" qatysty vıdeo da paıda boldy. Degenmen bul vıdeonyń qanshalyqty shyndyqqa janasatyny áli anyqtalmady. Nazarlaryńyzǵa Tengrinews.kz saıty jarııalaǵan vıdeony usynamyz
