«Búginde týrıster arasynda Rixos Water world qonaqúıi baǵytynan bólek Bozjyra shatqaly da tanymal. Bizdiń statıstıkamyz boıynsha qazir bul jerge kelýshiler sany ótken jylmen salystyrǵanda 10 ese artqan. Jobamen bıyl 2 myńnan astam adam kelgen. Al kelesi jyly bul kórsetkish artyp, kemi 10 myńnan asa týrıst keledi degen boljam bar», dedi vıse-mınıstr.
Jýyrda áleýmettik jelilerde əkimdik shatqalda «Bozjyra safarı otel» qonaqúı kesheni jobasyn júzege asyrady degen habar taraǵan edi. Bul jaıtqa qatysty ekologter atalǵan jerge qurylys salý zııan ekenin aıtyp, qarsy bolǵan. О́rken Bısaqaev osy jaıtqa qatysty túsinikteme berip, aldymen ekonomıka turǵysynan qajettilik pen ekologııa arasyndaǵy teńdikti saqtaý mańyzdy ekenin jetkizdi.
«Shatqaldy qarap shyqqan mamandar bul jerge adamdar men kólikter erkin, esh qıyndyqsyz kelip-kete alatynyn aıtyp otyr. Iаǵnı jer relefi eshqandaı arnaıy daıyndyqty kerek etpeıdi. Bizdiń oıymyzsha, atalǵan joba kóp týrıst keletin erekshe tabıǵı oryn úshin úlken qaýip tóndiredi. Bul jerde zııan taýǵa emes, jazyqqa tıedi. Nege deseńiz, jazyqtaǵy topyraq kóp kóliktiń beıbereket qozǵalysynan búlinip, shańǵa aınalady. Týrıster qozǵalysyn rettep, týrıster qabyldaý úshin Bozjyra taýyna jaqyn jerde týrıstik nysandar men uıymdastyrylǵan qozǵalys úshin kireberis jol qajet», dep túsindirdi О́rken Bısaqaev qoǵam ókilderine.
Sonymen qatar vıse-mınıstr shatqal aýmaǵynda ınfraqurylymdy retke keltirip, týrıster qaýipsizdigi men qolaılyǵy úshin birqatar sharany iske asyrý keregin atap ótti.
«Bozjyra shatqaly mańyndaǵy nysan qurylysy qoǵam nazaryna usynylyp, ekologııa turǵysynan saraptamadan ótip, qorshaǵan ortaǵa əseri qandaı bolatynyn anyqtaý kerek. Dəl qazir qonaqúı qurylysy josparda joq. Sonymen qosa eshqandaı joba maquldanyp, bekitilgen joq», dedi ol.
Bozjyra shatqaly Mańǵystaý oblysynda jergilikti mańyzy bar «Jabaı Úshqan» qoryǵynyń aýmaǵynda ornalasqan. «Jabaı Úshqan» kıeli orny Mańǵystaý oblysy ákiminiń qaýlysymen 2012 jyly qurylǵan. Qazir oblystaǵy «Qyzylsaı» memlekettik aımaqtyq tabıǵı parkiniń quramynda. Qoryq tólqujatyna sáıkes aýmaqqa týrısterdiń kirýine, týrısterdi qabyldaıtyn nysandar jumysyna ruqsat berilgen.
