Buǵan deıingi oıynda «Lokomotıvten» iri eseppen jeńilgen soń, «Barys» hokkeıshilerine psıhologııalyq turǵydan bul kezdesý qıynǵa soqty. Degenmen jerlesterimiz jeńis úshin baryn saldy. Match bastala sala jyldam shabýyl uıymdastyryp, kezdesýdiń 3-mınýtynda esep ashty. Gol avtory – Lınýs Vıdell. Bul – shvesııalyq shabýylshynyń keıingi tórt oıyndaǵy úshinshi goly. Arada 5 mınýt ótkende «Neftehımık» hokkeıshisi Marat Haırýllın oıyndaǵy esepti teńestirip ketti. Birinshi kezeń 1:1 esebimen aıaqtaldy.
Ekinshi 20 mınýt qonaqtar úshin sátti bastaldy. Elordalyq klýb hokkeıshileriniń jyldam shabýyly Iаkob Lılııanyń golymen aıaqtalyp, esep 2:1-ge jetti. «Barys» oıynshylary eseptegi ústemdikti match sońyna deıin saqtap, mańyzdy jeńiske qol jetkizdi. Osylaısha, syrt aıdyndaǵy úsh oıyndy jeńispen bastap, jeńispen túıindedi. Alǵash «Severstaldy» 3:1 esebimen jeńse, ekinshi kezdesýde «Lokomotıvten» 7:2 esebimen ońbaı jeńilgen-di.
