"Toleranttylyq – álemdik órkenıettiń negizi" atty halyqaralyq onlaın konferensııa ótti

Konferensııany uıymdastyrýshy: Konfessııaaralyq jáne órkenıetaralyq dıalogty damytý jónindegi N.Nazarbaev ortalyǵy.

Konferensııa jumysyna Qazaqstan Respýblıkasy Aqparat jáne qoǵamdyq damý vıse-mınıstri – Marat Ázilhanov, «Konfessııaaralyq jáne órkenıetaralyq dıalogty damytý jónindegi Nursultan Nazarbaev ortalyǵynyń» Basqarma Tóraǵasy – Altaı Ábıbýllaev, IýNESKO-nyń Almatydaǵy keńsesiniń dırektory – Krısta Pıkkat, BUU Jahandyq kommýnıkasııa departamentiniń bastyǵy – Vlastımıl Samek, BAÁ Musylman aqsaqaldar keńesiniń Bas hatshysy – Sultan Feısal Remeıtı, Iran Islam Respýblıkasy Mádenıet jáne ıslamdyq baılanystar uıymy Dinaralyq dıalog halyqaralyq ortalyǵynyń Tóraǵasy – Muhammed Mehdı Tashırı, Túrkııa Respýblıkasy Din isteri jónindegi departamenttiń orynbasary - Selım Argýn, Álemdik jáne dástúrli dinder lıderleri sezi hatshylyǵynyń múshesi, "Somaııa Vıdıavıhar" Úndistan uıymynyń ókili  - Rýdraksha Sakrıkar, sondaı-aq AQSh, BAÁ, Iordanııa, О́zbekstannan halyqaralyq sarapshylar, dıplomatııalyq korpýstyń, Qazaqstan halqy Assambleıasynyń, ǵylymı sarapshylar qoǵamdastyǵynyń, azamattyq qoǵam ınstıtýttarynyń ókilderi qatysty.

Konferensııa barysynda elimizdegi jáne álemdegi toleranttylyq, etnosaralyq tatýlyq jáne konfessııaaralyq kelisim máseleleri boıynsha pikir almasý boldy.

Konferensııaǵa qatysýshylar quttyqtaý sóz sóıleı otyryp, Qazaqstan Respýblıkasy Aqparat jáne qoǵamdyq damý vıse-mınıstri, Álemdik jáne dástúrli dinder lıderleri seziniń maqsattary men mindetterin ilgeriletý jónindegi Ýákil, Qazaqstan Respýblıkasyndaǵy BUU О́rkenıetter Alıansynyń Ulttyq úılestirýshisi – Marat Ázilhanov Qazaqstan konfessııaaralyq jáne órkenıetaralyq qatynastyń belsendi jaqtaýshysy, álemde toleranttylyq ıdeıalaryn alǵa jyljytýǵa barlyq jaǵynan yqpal etetindigin atap ótti. Buǵan 2003 jyldan bastap Qazaqstannyń astanasynda turaqty túrde ótkizilip kele jatqan Álemdik jáne dástúrli dinder lıderleriniń sezi kórnekti mysal bola alady.

IýNESKO-nyń Almatydaǵy keńsesiniń dırektory Krısta Pıkkat hanym óz sózinde «toleranttylyq – bul shyn máninde aqyl-oı, uǵyný ahýaly, bul mádenı ártúrlilik, baılyqtyń bir túri, bóliný faktory emes» dep atap ótti.

"Búginde Qazaqstan, búkil álem sııaqty, koronavırýs pandemııasymen kúresýde jáne oǵan jahandyq ekonomıkalyq orta teris yqpal etýdi. Sonymen qatar, tózimsizdik, ekstremızmniń damýy, radıkalızm men zorlyq-zombylyqtyń búkil álemge taralý kórinisteriniń shyndyqtary toleranttylyq máseleleri boıynsha adamzattyń ózara is-qımylyn kúsheıtýdi talap etedi. N.Nazarbaev ortalyǵy jahandyq álemde dinaralyq jáne órkenıetaralyq dıalogty ilgeriletý úshin ózara árekettesýdiń tıimdi ádisterine qol jetkizý jáne qoldaný maqsatynda BUU-men baılanysty nyǵaıtýda. BUU О́rkenıetter Alıansymen seriktestik týraly kelisimge qol qoıyldy. Qazirgi ýaqytta Ortalyq quqyqtyq ınstıtýttandyrý jáne BUU júıesinde tirkeý boıynsha belsendi jumys júrgizýde",  dedi Konfessııaaralyq jáne órkenıetaralyq dıalogty damytý jónindegi Nursultan Nazarbaev ortalyǵynyń Basqarma Tóraǵasy Altaı Ábıbýllaev.

Túrkııanyń Din isteri basqarmasy tóraǵasynyń orynbasary doktor Selım Argýnnyń aıtýynsha, barlyǵymyz qoǵamda toleranttylyq mádenıetiniń ústem bolýyna nazar aýdarýymyz kerek, biz ótken jáne qazirgi ýaqytta jınaqtalǵan oń tájirıbelerge júginýimiz kerek dedi.

Jalpy, is-sharaǵa qatysýshylar halyqaralyq qoǵamdastyqta toleranttylyq, beıbitshilik, rýhanı kelisim, yntymaqtastyq ıdeıalaryn ilgeriletýge baǵyttalǵan jańa progressıvti ıdeıalardy usyndy.

Eske sala ketsek, 1995 jyly 16 qarashada IýNESKO-ǵa múshe elder Toleranttylyq qaǵıdalary deklarasııasyn qabyldady, 1996 jyly BUU Bas Assambleıasy jyl saıyn 16 qarashany Halyqaralyq toleranttylyq kúni retinde atap ótýdi usyndy.