«Barystyń» negizgi quramyn áli anyqtaı almaı jatqan bas bapker Iýrıı Mıhaılıs keıingi eki oıynda Svedberg, Bleıker, Vıdell, Varon jáne Frettın bestigin birinshi mınýttan bastap muzaıdynǵa shyǵaryp júr. Bul bestik «Neftehımıkpen» ótken oıynda óz jemisin bergenimen, elordadaǵy kezdesýde jeńisti joldy jalǵastyra almady. Birinshi kezeńniń 11-mınýtynda esep ashqan Brendon Kozýn arada úsh mınýt ótkende dýbl avtory atanyp, komandasynyń ekinshi shaıbasyn soqty. Al ekinshi kezeńniń 32-mınýtynda Egor Sharangovıch komandasynyń eseptegi ústemdigin 3:0-ge jetkizdi.
Úshinshi 20 mınýtta muzaıdyn ıelerinen Iаkob Lılıa mergendigimen kózge túsip, esep aıyrmasyn qysqartýǵa múmkindik aldy. Shvesııalyq shabýylshy osymen ekinshi oıynda gol soqty. Kezdesýdiń aıaqtalýyna eki mınýt qalǵanda Kırıll Voronın oıynnyń núktesin qoıyp, komandasyna mańyzdy jeńis syılady. Jerlesterimiz kelesi kezdesýin búgin Magnıtogorskiniń «Metallýrg» komandasymen ótkizedi.
