Áý basta aty-jóni Naým Shalamanov bolǵan aıtýly sportshy Bolgarııada týyp-ósti. Birer jyl sol eldiń namysyn qorǵap, kóptegen tabysqa qol jetkizdi. Keıinnen Túrkııaǵa qonys aýdardy. Anadoly elinde de ol bıik belesterdi baǵyndyrdy. Atap aıtsaq 1983-2000 jyldar aralyǵynda Olımpıadanyń úsh, álemniń jeti jáne Eýropanyń bes dúrkin chempıony atandy. Álem kýbogyn úsh márte oljalady. Álemdik rekordty 46 ret jańartty. Kúni búginge deıin jer betinde ataq-dańqy jaǵynan Súleımanoǵlynyń aldyn oraıtyn birde-bir aýyr atlet joq. Ol áıgili bapker Enver Túrkelerıdiń qolastynda jattyqty.
Úlken sporttan qol úzgennen keıin ol baýyr aýrýyna shaldyqty. Uzaq ýaqyt emdeldi. Biraq dendegen dert jazylmady. Aqyry Naım Súleımanoǵly 50 jasynda jaryq dúnıemen qosh aıtysty.
