Jankúıerler 61 kılo salmaqtyń bas júldesi úshin tartys qos qurdas – Nurıslam Sanaev pen Rasýl Qalıev arasynda órbıdi dep boljady. Ekeýiniń de jasy 29-da. Alaıda álem chempıonatynyń eki dúrkin júldegeri, Azııa chempıony alǵashqy aınalymdardyń birinde oıda-joqta esimi kópshilikke beımálim Muhtar Seıitovten utyldy.
Al sary qurlyqta qarsylas shaq keltirmeı, Azııa oıyndarynda kúmis medaldi moınyna ilgen Rasýl Qalıev jartylaı fınalda Adlan Asqarovqa jol berdi.
Aqtyq synda Salamat Málikovke san soqtyrǵan Adlan el chempıony atandy. Endi osy aıqyn jeńisten keıin bul sportshynyń ár qadamyn qyraǵy mamandar jiti qadaǵalaıtyny anyq. Sebebi, buǵan deıin ol jasóspirimder men jastar arasyndaǵy jáne 23 jasqa deıingi balýandar arasyndaǵy álem birinshilikterinde júlde aldy. Biraqtar halyqaralyq jarystarda olja saldy. Mine, endi jasy 20-dan endi asqan Asqarov eresekter dýynda qarsylas shaq keltirmedi.
Qazaqstan chempıonatynyń qola medal Rasýl Qalıev pen Azat Ogannısıanǵa buıyrdy.
