Buǵan deıin G20 elderiniń qarjy mınıstrleri álemniń eń kedeı elderi úshin qaryzdyq tólemderdi toqtatý bastamasyn alty aıǵa – 2021 jyldyń sáýirine deıin uzartýǵa kelisti.
"G20 qaryzdyq qyzmetti toqtata turý bastamasyn alty aıǵa uzartty jáne qaryzben jumys isteýdiń jalpy shemasyn qabyldady. Biz bul qadamdardy quptaımyz, biraq kóp nárse isteý kerek. Men 2021 jyldyń sońyna deıin odan ári uzartýdy jáne eńbastysy, bastamanyń aıasyn barlyq damýshy jáne ortasha tabysy bar muqtaj elderge keńeıtýdi talapetemin", dedi Gýterrısh baspasóz konferensııasynda.
Onyń aıtýynsha, "qaryzdyń ashyqtyǵy men turaqtylyǵyn arttyrý úshin ǵalamdyq arhıtektýrany qurý qajet".
"Bankrottyqtan bolatyn domıno effekt jahandyq ekonomıkany buzýy múmkin. Biz COVID pandemııasynyń qaryz pandemııasyna alyp kelýine jol bere almaımyz", dedi BUU Bas hatshysy.
G20 sammıti 21-22 qarashada onlaın rejıminde ótedi, onyń taqyryby koronavırýs pandemııasy, klımatty qorǵaý, qarjy saıasaty jáne álemdik ekonomıka men saýdany damytý, Afrıkany qoldaý.
Sammıt jumysyna Gýterrısh qatysady dep kútilýde.
