Bul týraly olar Almaty qalasynyń bas sanıtarlyq dárigeri Jandarbek Bekshınniń jergilikti kásipkerler palatasynyń alańynda óndiristik kompanııalardyń kásipkerlerimen kezdesýi barysynda aıtty. Kásipkerler suraqtardy tikeleı qoıyp, qaýlylardyń talaptaryn oryndaý kezinde týyndaıtyn máselelerdi talqylady.
– Mashına jasaý kásiporyndarynyń basshylary máselelerge óte baısaldy jáne durys qaraıdy. Sonymen qatar óz áriptesteriniń jumysyn saqtaý úshin kúresedi. Búgin bizde bir mańyzdy másele bar: sizdiń sońǵy qujattaryńyzda aldymen shtat sanynyń 30%-yn qashyqtan jumys isteýge aýystyrý, keıin 50%-ǵa deıin kóterý týraly aıtyldy. Bizdiń sala – aýyr ónerkásip. Biz úshin 30% – múmkin emes kórsetkish, keńse qyzmetkerleriniń 10%-yn qashyqtan jumys isteýge aýdara alamyz jáne solaı isteımiz. Biraq óte qıyn. Muny ónerkásiptik kásiporyndarǵa qatysty eskerýińizdi suraımyz. Qalǵanynyń bárine daıynbyz, kómektesýge de daıynbyz, barlyq talaptardyń saqtalýyn qamtamasyz etetin bolamyz, – dedi Qazaqstan mashına jasaýshylar odaǵy basqarmasynyń múshesi Pavel Beklemıshev.
Jandarbek Bekshın qashyqtan jumys isteý formaty kásiporyndaǵy qyzmetkerlerdiń shoǵyrlanýyn azaıtýǵa ǵana emes, sonymen qatar qoǵamdyq kólikti, ásirese qarbalas ýaqytta, báseńdetýge de múmkindik beretinin atap ótti. О́nerkásip kásiporyndaryna keletin bolsaq, ákimshilik qyzmetkerler men úıden jumys isteı alatyndardyń barlyǵyn qashyqtan jumys isteýge aýystyrý qajet.
