Álem • 23 Qarasha, 2020

Kedeılikti shegine jetkizgen koronavırýs

Halyqaralyq valıýta qorynyń basqarýshy dırektory Krıstalına Georgıeva «G 20» tarapynan pandemııamen kúrestegi sharalardy oń baǵalady, - dep jazady Egemen.kz

Anar TО́LEÝHANQYZY

«G20 kezdesýi barysynda COVID-19 saldarynan týyndaǵan jappaı bankrottyq pen daǵdarystyń salmaǵyn azaıtýǵa kómektesetin bıýdjettik jáne monetarlyq kómektiń máni zor ekenin aıttym», degen ol 82 kedeı memleket úshin bólinip otyrǵan 100 mlrd qarjyǵa alǵysyn jetkizgen.

Úlken 20 toby ózderinen basqa kedeı memleketter barlyǵyn únemi este umytpaýy tıis, óıtkeni olardyń qıyndyqtardy jeńetin múmkindikteri shekteýli degen Georgıeva.

«G 20» sammıtiniń qortyndy málimdemesinen málim bolǵandaı áldiler toby koronavırýstyń zardaptaryn jeńýge baǵyttalaǵan sharalardy kedeı memleketterdi qoldaý úshin atqarmaq.

«Biz COVID-19 –ben arpalysyp, ol týdyrǵan qıynshylyqtarmen kúresip jatqan muqtajdyqtary bar kedeı elderdi qoldaıtyn nıetimizden aınyǵan joqpyz. Densaýlyq salasyndaǵy jáne túrli ekonomıkalyq, áleýmettik qıyndyqtary shash etekten Afrıka men araldyq shaǵyn memleketterge kómek qolyn sozamyz», delingen qortyndy qujatta.

Sammıtke qatysýshylar pandemııamen kúreske qajetti aýrýdy anyqtap dıagnostıkalaý men ony emdeý boıynsha bar kúshti jumyla jumsaý qajet degen oıǵa toǵysqan. Osy qalyppen kedeı elderdiń syrtqy qaryzdary úshin qyzmet tólemderin keıinge shegerý týraly sheshim qabyldaǵan.

Saýdııa Qarjy mınıstri Mýhammed ben Abdalla ál Djaddan «Kedeı elderge uzaq jáne qysqa merzimde kómek kórsetetin bolamyz, ol sammıt barysynda sheshildi», degen.

Reseı ǵalymdary jasaǵan "Spýtnık V" vaksınasynyń baǵasy kelesi aptada shyǵady dep Reseı tikeleı ınvestısııalar qorynyń ókili habarlady deıdi REGNUM.

Reseı vaksınasynyń tvıtter- akkaýntynda jarııalanǵan málimet boıynsha $19,50 Pfizer jáne $25-37 Moderna vaksınalarynyń dozasy bir adamǵa 39$ jáne 50-74$ shamasynda bolatyny kórsetilgen. Al «Spýtnık V» baǵasy odan tómen bolmaq delingen aqparatta.

Osynyń aldynda amerıkalyq kompanııa ókili Stefan Bansel Welt am Sonntag basylymyna bergen suhbatynda «Moderna baǵasy 25-30 dollar kóleminde bolady. Bul COVID-19-dyń aýyr túrimen aýyrǵan adamdy emdeýge ketetin shyǵyndy eseptegende ádilimen qoıylǵan baǵa dep esepteımiz», degen edi. Onyń aıtýyna qaraǵanda jyl aıaǵyna deıin 20 mln doza shyǵarylyp, onyń bir shamaly ǵana bóligi Eýropaǵa attandyrylady. Kompanııa vaksınanyń Eýropaǵa aparylýyna múddeli, ol endi birneshe kúnnnen soń kelissózder nátıjesinde belgili bolady degen úmitin jetkizdi.