Fýtbol • 24 Qarasha, 2020

Úshinshi orynnan úsh komanda úmitti

320 ret

kórsetildi

2 mın

oqý úshin

Fýtboldan premer-lıga komandalary arasyndaǵy Qazaqstan chempıonatynyń 19-týr oıyndary ótti. «Qaırat» merziminen buryn jeńimpaz atansa, birinshilik aıaqtalar tusta úshinshi oryn úshin arpalys kúsheıe tústi. Buǵan sebep «Astana» men «Ordabasynyń» kútpegen jerden jeńilip qalýy jáne «Shahterdiń» kezekti úsh upaıyna qol jetkizýi boldy.

Álı BITО́RE

Kelesi – 20-týrdyń oıyndary búgin ótedi. Onda «Astana» – «Qaısar», «Taraz» – «Kaspıı», «Shahter» – «Jetisý», «Oqjetpes» – «Tobyl» jáne «Qyzyljar» – «Ordabasy» komandalary ózara kezdesedi.

Týrdyń alǵashqy oıyny «Astana» men «Shahter» arasynda ótti. «Tobylmen» birge kúmis júldege talasyp jatqan elordalyqtar kútpegen jerden «kenshilerden» 3:1 esebimen ońbaı jeńilip, kúmis júlde úshin kúresten shyǵyp qaldy. Al mańyzdy jeńisine qol jetkizgen «Shahter» fýtbolshylary qola júlde úshin kúreske qosyldy. Kezdesýdiń 6-mınýtynda qaraǵandylyqtardan Rýslan Mıngazov esepti ashsa, 24-mınýtta Sergeı Zenıov tablodaǵy kórsetkishti eseleı tústi. Ekinshi taımnyń sońynda Erkin Tapalov «Shahterdiń» úshinshi golyn salsa, tóreshi qosqan qosymsha mınýtta Dıdar Jalmuqan «Astananyń» jalǵyz jaýap golyn soqty.

«Qaısarmen» oınaǵan «Ordabasy» da qolda turǵan úsh upaıynan aıyrylyp qaldy. Komandalar birinshi taımda bir-biriniń qaqpasyna gol soǵa almaǵanymen, ekinshi taımda «qasqyrlar» Shymkent klýbynyń qaqpasyna jaýapsyz úsh gol soqty. 51-mınýtta Ivan Graf esep ashsa, 69 jáne 75-mınýttarda komanda kapıtany Ashat Taǵybergen dýbldiń avtory atandy. Aıta keteıik, «Qaısar» klýbynyń birneshe fýtbolshysy klýbpen kelisimshartynyń aıaqtalýyna baılanysty komandadan ketip qalǵan bolatyn.

Bul týrda «Jetisýdan» 1:0 esebimen basym túsken «Taraz» kezekti jeńisine qol jetkizip, týrnır kestesindegi jaǵdaıyn túzep aldy. Al «Qaıratty» 3:2 esebimen tize búktirgen «Qyzyljar» fýtbolshylary týrdyń sensasııasyn tirkedi. Match barysynda «Qaırat» fýtbolshylary ústemdik tanytqanymen, eki taımda da bir fýtbolshydan qyzyl qaǵaz alyp alańnan qýyldy. Sóıtip kezdesýdiń sońǵy mınýtynda gol ótkizip aldy.

Týrnır kestesiniń sońynda kele jatqan «Oqjetpes» pen «Kaspıı» ózara myqtyny anyqtady. 2:1 esebimen jeńiske jetken aqtaýlyqtar 14 upaımen 10-orynǵa kóterilip aldy. Al kókshetaýlyqtar 11 upaımen kósh sońynda qalyp qoıdy.

Surmergender arasyndaǵy básekede Joao Paýlo («Ordabasy») 11 golmen birinshi orynda tur. Al brazılııalyqtyń sońynan Abat Aıymbetov («Qaırat») qýyp keledi. Onyń enshisinde 10 gol bar. Bıylǵy maýsymda 8 gol soqqan «Qaısardyń» grýzııalyq shabýylshysy Elgýdja Lobjanıdze úzdik úshtikti túıindep tur.