"2020 jylǵy 13 tamyzdaǵy №386 QR Prezıdentiniń Jarlyǵyna sáıkes 661 mln 800 myń eýro somasyndaǵy Qazaqstan Respýblıkasy men Azııa Infraqurylymdyq Investısııalar Banki arasyndaǵy Qaryz týraly kelisimge qol qoıyldy. Qaryz bıýdjet tapshylyǵyn qarjylandyrýǵa baǵyttalatyn bolady. Iаǵnı COVID-19 pandemııasynyń saldaryna qarsy kúres jáne ekonomıkany qalpyna keltirý boıynsha QR Úkimetiniń sharalaryn qoldaýǵa múmkindik beredi. Qaryz 3 jyldyq jeńildikti kezeńdi qosa alǵanda, 10 jyl óteý merzimine beriledi. Syıaqy mólsherlemesi ‒ Eýrıbor+0,50%", dedi Qarjy mınıstri Erulan Jamaýbaev.
Kelisimde belgilengen qarjylyq sharttarǵa sáıkes, qaryzǵa qyzmet kórsetý jáne ony óteý respýblıkalyq bıýdjet qarajaty esebinen júzege asyrylatyn bolady.
"Kórsetilgen qarajatty tartý bıýdjettiń bekitilgen tapshylyǵy jaǵdaıynda óte mańyzdy bolyp otyr. Bul qarajat Azııa Infraqurylymdyq Investısııalar Bankiniń pandemııaǵa qarsy kúres jónindegi arnaıy baǵdarlamasy aıasynda Qazaqstan Respýblıkasy úshin rezervtelip qoıylǵan", dedi mınıstr.
