Aımaqtar • 24 Qarasha, 2020

Balyq aýlaımyn dep 12 adam sýǵa batyp ketti

41 ret kórsetildi

Ań jáne balyq aýlaý maýsymy bastalǵannan beri eldiń sý aıdyndarynda 12 adam, onyń ishinde 1 bala qaza tapty. Bul týraly QR TJM resmı ókili Talǵat Ýálı habarlady.

Balyq aýlaý kezinde erejelerdiń buzylýynan 11 adam qaza tapty jáne eresek adamdardyń qaraýynsyz qalǵan 1 bala abaısyzda sýǵa qulap, sýǵa batyp ketti.

Aǵymdaǵy jyly qaza bolǵandar Aqmola, Almaty, Qostanaı, Qyzylorda, Mańǵystaý, Túrkistan oblystarynyń sý aıdyndarynda tirkeldi.

Máselen, ótken kúz-qys maýsymynda (2019 jylǵy 1 qazannan bastap 2020 jylǵy 1 naýryzǵa deıin) elimizdiń sý aıdyndarynda balyq aýlaý kezinde qaýipsizdik erejelerin buzý saldarynan, sondaı-aq muz ótkelderi arqyly ótý kezinde 37 adam (onyń ishinde 10 bala) qaza boldy. Adamdardyń qaza bolýynyń negizgi sebepteri:

1) 19 adam balyq aýlaý kezinde (jaǵalaýdan jáne/nemese júzý quraldarynan) sýǵa qulaǵan;

2) 7 adam balyq aýlaý kezinde muz astyna qulap ketken;

3) oınap júrip 8 bala muz astyna túsip ketken, 2 bala sýǵa qulaǵan;

4) 1 adam muz ótkelderi arqyly ótý kezinde qulaǵan.

Aýmaq boıynsha alyp qarasaq, qaza bolǵandar Aqmola, Atyraý, Almaty, Aqtóbe, Shyǵys-Qazaqstan, Jambyl, Batys-Qazaqstan, Qostanaı, Qaraǵandy,  Soltústik Qazaqstan oblystarynyń jáne Almaty qalasynyń sý aıdyndarynda tirkeldi.

Osyǵan baılanysty, el azamattarynyń nazaryn sý aıdyndarynda, qys mezgilinde, birinshi kezekte qaýipsizdik erejelerin saqtaýǵa aýdaramyz:

1) táýliktiń qarańǵy ýaqytynda jáne nashar kóringen kezde muzǵa shyqpańyz;

2) muzdyń juqa jáne qatpaǵan jerlerine shyqpańyz;

3) muzdyń jekelegen ýchaskelerinde toppen jınalýǵa bolmaıdy;

4) muzdaǵy shuńqyrlarǵa, jaryqtarǵa, oıyqtarǵa jaqyndamańyz;

5) avtomobıldermen ótkelderden tys jerlerge shyqpańyz.

Muz astyna balyq aýlaýǵa, balyq aýlaýǵa qatysýshylarǵa jeke qutqarý quraldary bolǵan jaǵdaıda ǵana júzege asyrýǵa, shekteýli alańda ekiden kóp shuńqyr tesýge jáne ot jaǵýǵa jol berilmeıdi,sondaı-aq ótý oryndarynda balyq aýlaýǵa arnalǵan jelilerdi ornatýǵa jáne shuńqyrlardy tesýge jol berilmeıdi.

Sýdaǵy (muzdaǵy) oqıǵalar kóbinese adamnyń óz-ózine sený, óz kúshteri men múmkindikterin qaıta baǵalaý, sýdaǵy (muzdaǵy) qarapaıym erejelerdi elemeý saldarynan oryn alady.

Sońǵy jańalyqtar

Elimizde taǵy 1050 adam indetten aıyqty

Koronavırýs • Búgin, 09:44

Semeıge Saqtaǵanov ákim boldy

Taǵaıyndaý • Keshe

Birneshe oblysta jol jabyldy

Qazaqstan • Keshe

Uqsas jańalyqtar