Sport • 25 Qarasha, 2020

Úshinshi kúnniń nátıjeleri

281 ret

kórsetildi

1 mın

oqý úshin

Aýyr atletıkadan onlaın-formatta ótip jatqan Qazaqstan chempıonatynyń úshinshi jarys kúni aıaqtalyp, erler arasyndaǵy 67 kg jáne áıelder arasyndaǵy 64 jáne 71 kg salmaq dárejelerindegi jeńimpazdar men júldegerler anyqtaldy.

Álı BITО́RE

Erler arasyndaǵy 67 kg salmaqta 2019 jyly Taılandta ótken álem chempıonatynyń kúmis júldegeri Igor Son (Almaty oblysy) qossaıysta 301 (136+165) kg-ny eńserip, el chempıony atandy. Ekinshi oryndy 269 (120+149) kg ziltemirdi kótergen Qostanaı oblysynyń ókili Alekseı Chýrkın ıelense, úzdik úshtikti Qyzylorda oblysynyń sportshysy Aıdos Tursynbaı túıindedi. Ol 265 (120+145) kg-ny eńserdi.

Al qyzdar arasyndaǵy 64 kg salmaqta Gúlnur Ybraı (Almaty oblysy) aldyna jan salmady. Ol qossaıys qorytyndysy boıynsha 197 kg (87+110) salmaqty eńserip, el chempıony atandy. Kúmis pen qola júldelerdi Qyzylorda oblysynyń ókilderi Nuraı Qurmanbaı (177 kg) men Rýsalına Mýlıkova (139 kg) ıelendi. 71 kg salmaqta Rıo Olımpıadasynyń qola júldegeri Karına Gorıcheva qarsylas shaq keltirmedi. Almaty oblysynyń sportshysy qossaıysta 225 (105+120) kg-ny baǵyndyrdy. Ekinshi oryndy Aısha Omarova (208), úshinshi oryndy Darıa Pavlova (207) enshiledi.