Jeńimpazǵa ál-Farabı atyndaǵy Qazaq ulttyq ýnıversıtetinde 1 jyl tegin oqý bilim granty taǵaıyndaldy.
Dılıara Nadyrhanovanyń belsene atsalysýymen "Qaıyrymdy qoǵam" atty chellendj aıasynda Qyzdar ýnıversıtetinde izgilikke negizdelgen aksııalar men is-sharalardy ótkizý qolǵa alyndy. Ál-Farabıdiń 1150 jyldyq mereıtoıyna oraı QazUÝ-dan bastaý alǵan ıgilikti iske ulaǵat uıasy atanǵan QyzPÝ-dyń bilim alýshylary jan-jaqty qoldaý kórsetip, jalǵasyn tabýda.
Qazirgi kúnde oqý orny stýdentteriniń bastamasymen qaıyrymdylyq jármeńkeleri turaqty túrde uıymdastyrylady. Is-sharanyń basty maqsaty – ýnıversıtet ujymy men stýdentteriniń sanasyna meıirimdilik, súıispenshilik, qaıyrymdylyq sııaqty izgi uǵymdardy qalyptastyrý. Sonymen qatar, áleýmettik jaǵdaıy tómen jetkinshekterge kómek kórsetý, olardy rýhanı turǵyda qoldap-qýattaý. Dana halqymyzda "qaıyrymdylyq jasasań, qaıyrymyn óziń kóresiń" degen ulaǵatty sóz bar. Qaıyrymdylyq – ultymyzdyń eń izgi qasıetteriniń biri. "Janashyrlyqqa jan rıza" degendeı Qyzdar ýnıversıtetiniń stýdentteriniń kómekke muqtaj jarymjan azamattarǵa qamqorlyq kórsetip, júrek jylýyn usynýy hám saýaby mol iske atsalysýy – kópke úlgi bolatyn ıgilikti is dep bilemiz. Áleýmettik ádildik, teńdik, ózara syılastyq pen qamqorlyq týraly nıetti tek qana memleket emes, azamattyq ortanyń óziniń kóterýi – qoǵamymyzdyń kemeldengenin, jańǵyrǵanyn kórsetedi.
Sonymen qatar Qyzdar pedagogıkalyq ýnıversıtetiniń eki stýdenti "Men jastarǵa senemin!" VIII Respýblıkalyq jastar forýmy aıasynda uıymdastyrylǵan baıqaýlardyń laýreaty atandy.
Atap aıtqanda, Aıala Nurjaýbekova "Sanaly urpaq" parasattylyqty damytýdaǵy úzdik jobalar baıqaýynda "Patrıottyq tárbıe" atalymy boıynsha, Aqbaıan Soltan "Men óz elimniń gúldenýi úshin ne isteı alamyn?" stýdenttik esse baıqaýynda "Azamattyq rýh" atalymy boıynsha laýreat atandy.
Nomınasııa ıegerleri men baıqaý jeńimpazdary ál-Farabı atyndaǵy Qazaq ulttyq ýnıversıtetiniń bazasynda ótetin bir aptalyq "Kóshbasshylar mektebine" tegin joldama sertıfıkattarymen marapattaldy.
Aıta keteıik, ál-Farabı atyndaǵy QazUÝ respýblıkalyq jastar forýmyn 2013 jyldan beri ótkizip keledi. Bıyl forýmǵa qatysý úshin elimizdiń barlyq aımaǵynan 5 myńǵa jýyq stýdent tirkeldi.
Shyǵarmashylyq jobalar men beıne prezentasııalardy qoǵam qaıratkerleri, bıznes ókilderi, memlekettik organdar, mádenıet jáne óner qaıratkerleri men ǵalymdardan jınalǵan táýelsiz qazylar alqasy baǵalady.
Nátıjesinde 302 úzdik joba sońǵy týrdyń fınalyna ótti.
