Qoǵam • 25 Qarasha, 2020

Azamattyq qoǵam ókilderi zorlyq-zombylyqty boldyrmaý máselelerin talqylady

9 ret kórsetildi

25 qarashada «Qoǵam jáne memleket: seriktestik pen damýdyń 30 jyly «Birgemiz» atty IX Azamattyq forým aıasynda Áıelderge qatysty zorlyq-zombylyqty joıý kúresiniń halyqaralyq kúninde «Azamattyq qoǵam zorlyq-zombylyqqa qarsy» taqyrybynda dıalog alańy ótti.

Is-sharaǵa QR Adam quqyqtary jónindegi ýákil E. Ázimova, QR Parlamenti Májilisiniń depýtaty I. Smırnova, QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraǵasy L. Ramazanova, Aqparat jáne qoǵamdyq damý vıse-mınıstri A. Oralov, quqyq qorǵaýshylar, ÚEU basshylary, memlekettik organdardyń ókilderi, mektep belsendileri arasynan oqýshylar qatysty.
Qazaqstan Azamattyq alıansynyń prezıdenti B.G. Nurǵazıeva quttyqtaý sóz sóıledi.

«Otbasy - qoǵamnyń negizi. Búgingi kezdesý áıelder men balalarǵa qatysty zorlyq-zombylyq máselelerin sheshý boıynsha durys tásilderdi ázirleý úshin erekshe mańyzdy», - dedi spıker.
Is-sharanyń moderatory L. Ramazanova resmı statıstıka derekteri boıynsha aǵymdaǵy jyldyń 9 aıynda qylmystyq quqyq buzýshylyqtar sany 2019 jyldyń sáıkes kezeńimen salystyrǵanda 34,4%-ǵa azaıǵanyn, alaıda otbasylyq-turmystyq quqyq buzýshylyqtar sany 2,5 esege óskenin atap ótti.
QR IIM Ákimshilik polısııa komıteti Iývenaldy polısııa jáne áıelderdi zorlyq-zombylyqtan qorǵaý basqarmasynyń bastyǵy A. Ospanov atap ótkendeı: «Eń kóp zorlyq-zombylyq mas kúıinde jasalady, agressorlardyń 80%-y jumyssyz. Zardap shekkenderdiń 45% - áıelder, 30% - kámeletke tolmaǵandar. Aǵymdaǵy jyly turmystyq quqyq buzýshylyqtardyń ósýi kóbinese pandemııa jaǵdaıynda halyqtyń oqshaýlanýyna baılanysty boldy. Jyl basynan beri turmystyq zorlyq-zombylyq qurbandary úshin daǵdarys ortalyqtaryna 9 myńǵa jýyq jábirlenýshi áıel júgingen».

QR Parlamenti Májilisiniń depýtaty I. Smırnova zorlyq-zombylyqqa yqpal etetin sebepterdi zerdeleý qajettigi týraly aıtty. «Májiliste qaralyp otyrǵan otbasylyq-turmystyq zorlyq-zombylyqqa qarsy is-qımyl máseleleri jónindegi zań jobasy otbasydaǵy jaǵdaıdy jaqsartýǵa, quqyq buzýshylyqtar deńgeıin jáne agressordyń otbasy múshelerine áser etýin tómendetýge baǵyttalǵan. Sharalardy kúsheıtý jáne qatańdatý árdaıym paıdaly bola bermeıdi», - dep atap ótti depýtat.

Kámeletke tolmaǵandarǵa qatysty zorlyq-zombylyqtyń aldyn alý týraly balalar blogeri Valerıı Kýdrıavsev óz pikirin bildirdi: «Mektep ınspektorlary men psıhologtar tarapynan balalarmen dostyq qarym-qatynas ornatý máselesi pysyqtalyp jatqan joq. Men óz qurdastarymnyń arasynda júrgizgen saýalnamaǵa sáıkes, agressorlar kóbinese úıde zorlyq-zombylyqqa ushyraǵan balalar. Biz elimizdiń bolashaǵymyz, sondyqtan bizdiń quqyqtarymyzǵa qatysty zań jobalaryn talqylaý kezinde jasóspirimder arasynan ókilderdi qosýdy suraımyn».

Sonymen qatar, Valerıı óziniń qurdastarynyń kópshiligi mektep psıhologtarynyń jumysy týraly bilmeıtinin jáne olardyń kómegine júginbeıtinin atap ótti.

О́z kezeginde QR Prezıdenti janyndaǵy Áıelder isteri men otbasylyq-demografııalyq saıasat jónindegi komıssııanyń tóraǵasy L. Ramazanova Valerıı Kýdrıavsevti Ulttyq komıssııa janyndaǵy sarapshylar keńesine shaqyrdy.

Aqtóbe oblysynyń mektep belsendisi ata-analar men balalar arasyndaǵy ózara qarym-qatynasty nyǵaıtý úshin birlesken kvest oıyndaryn ótkizýdi, adamdar kóp shoǵyrlanǵan jerlerde aqparattyq bılbordtar ornalastyrýdy usyndy.

QR Adam quqyqtary jónindegi ýákil E. Ázimova óz sózinde adam quqyqtaryn qorǵaý, zorlyq-zombylyqty boldyrmaý, quqyqtyq kómek kórsetý máselelerimen kásibı túrde aınalysatyn ÚEU qoldaý tetikterin qaıta qaraýǵa nazar aýdardy.
«Qazaqstan kóp ultty memleket bolyp tabylady, eshbir ultta zorlyq-zombylyqty qoldaıtyn qaǵıdattar men dástúrler joq, qundylyqtardy durys jetkizý jáne osy baǵytta azamattyq sektordyń áleýetin paıdalaný qajet. Azamattyq qoǵamnyń belsendi jáne kásibı ókilderi qoǵamdyq jáne halyqaralyq dúnıetanymǵa áser ete alady», - dep atap ótti spıker.

Dıalog alańynyń qorytyndysy boıynsha qatysýshylar turmystyq zorlyq-zombylyqtyń aldyn alýdy kúsheıtý, vedomstvoaralyq ózara is-qımyl tetikterin jetildirý jónindegi sharalardy iske asyrý týraly usynystar bildirdi.

Sońǵy jańalyqtar

Elimizde taǵy 1050 adam indetten aıyqty

Koronavırýs • Búgin, 09:44

Semeıge Saqtaǵanov ákim boldy

Taǵaıyndaý • Keshe

Birneshe oblysta jol jabyldy

Qazaqstan • Keshe

Uqsas jańalyqtar