Ekonomıka • 26 Qarasha, 2020

Kásipkerlerge qosymsha 200 mlrd teńge bólindi

31 ret kórsetildi

Ulttyq banktiń sheshimimen shaǵyn jáne orta kásipkerlik sýbektilerin jeńildikpen nesıeleý baǵdarlamasyna ózgerister engizildi.

Atap aıtqanda, tótenshe jaǵ­daı kezinde zardap shekken iri kásip­kerlik sýbektilerin jáne agro­ónerkásip keshenindegi kásip­kerlerdi nesıeleýge qosymsha 200 mlrd teńge bólindi. Baǵdarlamany qoldaný merzimi 2021 jyldyń 31 jeltoqsanyna deıin, al qarjyny ıgerý merzimi 2021 jyldyń 31 naý­ryzyna deıin uzartyldy.

Ulttyq bank qabyldaǵan óz­geris­terdi iske asyrý jáne baǵ­dar­­lamamen qamtýdy keńeıtý maq­satynda Ult­tyq ekonomıka mınıstrligi, «Atameken» ulttyq kásipkerler pala­ta­symen birlesip, tótenshe jaǵ­daı ýaqytynda barynsha zardap shek­ken salalardy anyqtaý boıyn­sha jumys júrgizgen. Sonyń nátı­j­esinde óndeý ónerkásibinde jáne qyzmet kórsetý salasynda zardap shekken qyzmet túrleriniń tizbesi aı­qyn­daldy. Ony Ulttyq ekonomıka mınıstrligi 2020 jylǵy 18 qarashada Ulttyq bankke bekitýge usyndy. Ol bank tóraǵasy men mınıstrdiń birlesken buıryǵymen bekitildi.

Osylaısha, tótenshe jaǵdaı en­gizilgennen keıin shyǵynǵa ushy­raǵan jáne ekonomıkanyń zardap shekken salalarynda qyzmetin júzege asyratyn iri kásiporyndar jeńildetilgen nesıelerdi alý úshin ekinshi deńgeıli bankterge ótinish berýi kerek. Bul rette iri kásipkerlik sýbektilerine lımıt belgilengen. Iаǵnı qaryz alýshyǵa 6 mlrd teńgeden artyq berilmeıdi. Shaǵyn jáne orta bıznes sýbektilerine arnalǵan lımıt – 3 mlrd teńge. Jeke kásipkerlik ókilderi alatyn soma 50 mln teńge­den artyq bolmaýy kerek.

Agroónerkásipti jeńildikpen nesıeleýge bólingen qosymsha 200 mlrd teńgeniń 100 mlrd teńgesine lımıt bólindi. Onyń ishinde 70 mlrd teńge ekinshi deńgeıli bankter arqyly, al 30 mlrd teńge «Agrarlyq nesıe korporasııasy» AQ arqyly úlestirilýi kerek.

Baǵdarlama qatysýshylarynyń kóbeıýine baılanysty onyń ataýy «Kásipkerlik sýbektilerin jeńil­dikpen nesıeleý baǵdarlamasy» dep ózgergenin de atap ótken jón. Baǵdarlama Memleket basshysynyń tapsyrmasy boıynsha bıylǵy naý­ryzda qabyldanǵan bolatyn. Ol tótenshe jaǵdaı kezinde zardap shekken kásipkerlerdi qoldaýǵa baǵyttalǵan.

Osy jyldyń 18 qarashasyn­­daǵy derekter boıynsha ekinshi deń­­­geı­li bankter 567,4 mlrd teńgege 2 311 ótinish qabyldaǵan. 1 370 sha­­ǵyn jáne orta kásipkerlik sýbek­­ti­si­ne 455,3 mlrd teńge qaryz be­ril­­­di. Onyń ishinde 101,6 mlrd teń­ge bu­ryn berilgen qaryzdardy óteý­­den túsken aqsha esebinen úlestirildi.

Bólingen qarajattyń negizgi úlesi saýda salasyndaǵy shaǵyn jáne orta bıznes sýbektilerine (319 mlrd teńge nemese jalpy somanyń 70 paıyzy), qurylysqa (44,9 mlrd teńge nemese 9,9 paıyz), óńdeýshi ónerkásipke (39,8 mlrd teńge nemese 8,7 paıyz) tıesili.

Sońǵy jańalyqtar

Jetisý oblysynyń TJD basshysy taǵaıyndaldy

Taǵaıyndaý • Búgin, 15:08

Aralda jol apatynan bir adam kóz jumdy

Oqıǵa • Búgin, 11:35

Qazaqstannyń eksport kólemi artty

Ekonomıka • Búgin, 09:52

Pleı-offtan tys qaldy

Fýtbol • Búgin, 08:43

Úshinshi orynǵa kóterildi

Sport • Búgin, 08:40

Úzdik tórttiktiń qatarynda

Tennıs • Búgin, 08:39

Kásipkerlerge push-habarlama jiberedi

Tehnologııa • Búgin, 08:37

Uqsas jańalyqtar