Kezdesýge Valley Irrigation, Tyson Foods, Kusto Group, Global Beef Consultants jáne taǵy basqa birqatar iri amerıkalyq kompa­nııanyń ókilderi qatysty.

«Qazaqstan –  nazarda» sessııa­sy aıasynda Qazaqstan Respýblı­kasynyń AQSh-taǵy elshisi Erjan Qazyhanov quttyqtaý sóz sóıledi. Spıker forýmǵa qatysýshylar­ǵa tabys tilep, Nebraska shtaty men Qazaqstan arasyndaǵy qar­qyndy damyp kele jatqan baı­lanystardyń odan ári damýyna jáne eki el arasyndaǵy ekijaqty ózara tıimdi qarym-qatynastardyń odan ári jaqsaratynyna senim bildirdi.

«KAZAKH INVEST» UK» AQ-nyń AQSh-taǵy sheteldik ókili Ǵalymjan Mataev óz sózin­de agro­ónerkásiptik keshen salasyn­da ınvestısııalaý úshin ınves­tı­sııa­lyq múmkindikter men perspek­tıvalyq jobalardy tanystyrdy.

«Biz úshin basymdyq aýyl sharýashylyǵy shıkizatyn: et pen sútti, kartopty, qant qyzylshasyn, maıly daqyldardy, jemister­di, kókónisterdi qaıta óńdeýge shetel­dik ınvestorlardy tartý bolyp tabylady. Qaıta óńdeý sek­torynan basqa, Qazaqstan jylyjaı sharýashylyǵyn damytýda úlken áleýetke ıe. Bul eksporttyq baǵyt retinde de, maýsymnan tys ýaqyt­ta halyqtyń ishki qajettilikterin qanaǵattandyrý turǵysynan da qy­zyqty. Investorlardy tar­get­teý kezinde, birinshi kezekte, biz ón­di­ris­tiń tehnologııalylyǵyna jáne klas­terlik damý perspek­tıva­­syna nazar aýdaramyz. Iri kom­panııa­lardy tartý-bul tikeleı shetel­dik ınvestısııalardy tartý ǵana emes, sonymen qatar tehno­logııalar men basqarýshylyq táji­rıbe transferi, eńbek ónimdiliginiń ósýi, sheteldik naryqtarǵa shyǵý jáne qosylǵan qunnyń jahan­dyq tizbegine ený», – dep atap ótti Ǵ.Mataev.

О́z kezeginde, Tyson Foods jáne Kusto Group kompanııalarynyń ókil­deri qazaqstandyq AО́K sek­torynyń damý múmkindikteri men perspektıvalary týraly aıtyp, Qazaqstandaǵy jeke ju­mys tájirıbesimen bólisti. Olar­dyń aıtýynsha, Qazaqstan agro­óner­kásiptik sektordy damytý úshin úlken áleýetke ıe, onyń ishin­de mal sharýashylyǵy, ósimdik sha­rýa­­­shylyǵy, ırrıgasııa jáne taǵy bas­qa salalarda bıznes júrgizý úshin úlken múmkindikter bar.

Is-shara qorytyndysy boıyn­sha qatysýshylar atalǵan forým eki eldiń bıznes ókilderi arasyndaǵy ózara tıimdi ekijaqty qarym-qatynastardy odan ári nyǵaıtýǵa jáne damytýǵa yqpal etetinine senim bildirdi.