Alyp aǵash

Kókjyra aýylynyń shet jaǵyndaǵy bul úıeńkige qy­zyqtap kelýshiler kóp bol­ǵanymen, aýyldyqtar ózderi kóp mán bere bermeıdi. Al kónekóz qarııalardyń aıtýynsha, bul aǵashqa eki ǵasyrdan astam ýaqyt bolǵan. Bolsa bolǵandaı-aq. Aınala turyp, alty adam qushaǵyn jaısa da jetpeıdi. Tabıǵattyń ǵajaby dersiz. Zaısandyq ólke­tanýshy Femıstokol Túsip­bekulynyń aıtýynsha, Shy­ǵysty shyr aınalsań da dińi jýan mundaı aǵash kez­despeıdi. Kókjyra aýyly ózenniń ańǵarynda oryn tep­kendikten úıeńki aǵashy kóp. Erekshelenip óskeni bireý ǵana. Ol úıeńkiniń dińi jýan bol­ǵanymen, orta tusynan salalanyp ketedi.

Jalpy, jer betinde úıeń­kiniń 150-den asa túri bolsa, Qazaqstanda jeti-aq túri kezdesedi eken. Onyń eki túri ózen boıynda, saı-salalarda ósetin jabaıy úıeńkiler. Al qalǵany ózendik, shaǵan­japyraq, shynartús syndy úıeńkiler qoldan ósiriledi. О́sken ortasynyń klıma­tyna qaraı sáýir, maýsym aı­larynda gúldep, tamyz, qa­zanda jemis beredi. Japyraǵynda 5-7 paıyz qant bolǵandyqtan, shyryny tátti. Erte kezde ame­rıkalyqtar úıeń­kiden qant óndirgen de eken. Sondyqtan da shy­ǵar, úıeńkiniń japyraǵy Kana­da­nyń ulttyq sımvoly.

Shyǵys Qazaqstan oblysy,

Zaısan aýdany