Ekonomıka • 27 Qarasha, 2020

Investorlarǵa arnalǵan jolkórsetkish

39 ret kórsetildi

Jýyrda Prezıdent janyndaǵy sheteldik ınvestorlar keńesiniń kezdesýinde koronavırýs pandemııasy kezinde elimizdegi ekonomıkalyq jáne ınvestısııalyq belsendilikti qalpyna keltirý jónindegi sharalar egjeı-tegjeıli qaralǵany belgili.

Jýyrda Prezıdent tapsyrmalaryn oryndaý jáne Farmónerkásip­ti damytýdyń keshendi josparyn is­ke asyrý maqsatynda «SQ-Far­ma­sııa» Kazakh Invest-pen birlesip ále­ýetti ınvestorlarǵa arnalǵan INVESTMENT GUIDE BOOK jol­kór­setkishin daıyndady. Jolkórsetkish­tiń mindeti – «Bir tereze» qaǵıdaty boıynsha iri dári-dármek brendteri bar elderge qaptamadan bastap óndiristiń tolyq sıkline deıin kirý alańyn qamtamasyz etý.

INVESTMENT GUIDE BOOK qolda bar ınvestısııalyq artyq­shy­­l­yqtar týraly aqparat berý, otan­­dyq jáne sheteldik ınvestorlar úshin rásimderdiń ashyqtyǵy men aı­qyndyǵyn qamtamasyz etý maqsatynda ázirlendi. Onyń mindeti ınvestorlarǵa ınvestısııalyq jo­ba­ny iske asyrýdyń barlyq kezeń­derinde qoldaý kórsetý, týyndaıtyn máselelerdi ýaqtyly sheshý. Ol «Bir tereze» qaǵıdaty boıynsha ınvestorlardyń memleketpen baı­lanysýynyń ortaq núktesine aınalý­ǵa tıis.

Jolkórsetkishtiń «Otandyq óndi­rý­shilerden dárilik zattar men me­dı­­sınalyq buıymdar satyp alý rásimderi» bóliminde dári-dármekter­di, medısınalyq buıymdardy jáne medısınalyq tehnıkany jetkizýdiń uzaq merzimdi sharttaryn jasasý tártibi, kelisimshart óndirisi boıynsha satyp alý tártibi, sharttar jasasý ólshemsharttary jáne konkýrstyq komıssııanyń quramy egjeı-tegjeıli sıpattalǵan.

Sondaı-aq dári-dármekpen qam­tamasyz etý, baǵalardy retteý má­se­­lelerin, dárilik zattar men me­dı­­­sı­nalyq buıymdardy satyp alý qa­ǵı­dalaryn jáne tıisti farmasev­tıkalyq daǵ­dylardy retteýshi nor­matıvtik-qu­qyqtyq aktilerdiń barlyq tizbesi ja­saldy.

Aqparattyq-taldaý blogynda Qa­­zaq­stannyń farmasevtıkalyq na­ry­­ǵynyń qurylymy jáne «SQ-Far­masııa» jumysynyń sońǵy 10 jyl­daǵy uzaq merzimdi sharttar sheńberinde satyp alýdy taldaý usynylǵan. Sondaı-aq qujatqa «Báıterek» holdınginiń, Qazin­dustry, «Astana» HQO-nyń qar­jylyq jáne ınvestısııalyq ıns­tı­týttary túrindegi memlekettik qol­­daý­­dyń qoldanystaǵy sharalary en­gizilgen.

2025 jylǵa qaraı Qazaqstan óz farmóndirisiniń úlesin 50%-ǵa deıin arttyrýdy kózdep otyr. Qa­zirgi ýaqyt­ta jergilikti naryqtaǵy otan­dyq óndi­rýshilerdiń úlesi 17%-dy quraıdy. Budan basqa, medı­sı­nalyq jabdyqtar men shyǵys mate­rıaldarynyń óndirisi belsendi damıtyn bolady. Bul salalar ınvestısııa úshin ashyq bolady ári jobalarǵa mem­leket tarapynan tolyq qoldaý ta­ba­tyn bolady.

Jýyrda Úkimet farmasevtıka­lyq ónerkásipti damytýdyń 2025 jyl­ǵa deıingi keshendi josparyn qabyl­daǵany belgili. Oǵan sáıkes jeke far­masevtıkalyq óndiris úlesin 50%-ǵa deıin arttyrý jáne 30-dan astam iri farmasevtıkalyq óndiristi iske qosý josparlanýda. 

«SQ-Farmasııa» – dári-dármek­terdiń biryńǵaı dıstrıbıýtory. Kom­panııa tegin medısınalyq kómektiń kepildik berilgen kólemi sheńberinde dárilik zattardy satyp alýdy júzege asyrady. Sondaı-aq dári-dármekterdi saqtaý, memlekettik medısınalyq mekemelerge logıstıka prosesterin uıym­dastyrý jumystarymen de aınalysady.

 

Sońǵy jańalyqtar

ShQO-da turǵyndar evakýasııalandy

Aımaqtar • 09 Sáýir, 2021

Tasqyn qaýpi áýeden zertteldi

Aımaqtar • 09 Sáýir, 2021

Almatyda taý baýraıy otqa orandy

Aımaqtar • 09 Sáýir, 2021

Qazaqstandyq vaksına qashan daıyn bolady?

Qazaqstan • 09 Sáýir, 2021

Almatyda karantın kúsheıtile me?

Koronavırýs • 09 Sáýir, 2021

Uqsas jańalyqtar