Aımaqtar • 27 Qarasha, 2020

Kúsh-jigerdi jumyspen qamtýǵa jumyldyrmaq

90 ret kórsetildi

Keshe Pavlodar oblysynyń ákimi Ábilqaıyr Sqaqov elor­da­daǵy Ortalyq kommýnıkasııalar qyzmetinde brıfıng ótkizdi. О́ńir­diń áleýmettik-ekonomıkalyq damýy týra­ly qysqa ǵana baıandaǵan ákim ýaqytynyń kóp bóligin jýrnalısterdiń su­raq­ta­ryna jaýap berýge arnady. Biz sonyń negizgilerine kóńil aýdar­dyq.

Osy aptada áleýmettik je­li­­lerde Pavlodar qala­syn­da­ǵy jolaýshylar tasymalyna qatysty shý burq ete qal­dy. Belgili bolǵandaı, shahar­da­ǵy avtoparkterdiń biriniń júrgizýshileri men kondýktor­la­ry jumysqa shyqpaı qoıǵan. Sóıtip, narazylyq tanytqan. Al olardyń mundaı qadamǵa barýyna jolaýshylar aqysynyń tolyq tólenbeýi túrtki bolǵan. Iаǵnı tasymaldaýshylar shy­ǵyn­ǵa bata júrip jumys isteý­den sharshaǵan.

Ábilqaıyr Sqaqovtyń aıtýynsha, bul problemany júıeli sheshpese bolmaıdy. Al oryn alǵan oqıǵa oıdaǵydaı rettelgen kórinedi.

– Tasymaldaýshylar úsh ba­ǵyt boıynsha jumysqa shyq­pa­­ǵan. Olarmen qala ákimi kez­des­ti. Ile júrgizýshiler men kondýk­torlardyń 90 paıyzy ju­mystaryna oraldy. Pande­mı­ıaǵ­a baılanysty jolaýshylar aǵyny qysqarýda. Onyń ústine Pavlodarda halyqtyń 17 sanaty tegin tasymaldanady. Máseleni saralanǵan tarıf engizý arqyly ǵana sheshýge bolady. Al saralanǵan tarıf elektrondy bılet júıesi engizilgennen keıin ǵana iske qosylady. Jańashyldyqty e­n­gizý 2021 jylǵa jospar­lan­ǵan. Elektrondyq bılet júıesi qansha jolaýshy tasymaldanatynyn, onyń qandaı bóligi jeńildikpen júretinin anyqtaýǵa kómektesedi. Sondaı-aq ádil ári naryqtyq qatynastar qurý úshin jolaýshylardyń qaı bóliginiń jolaqysy bıýdjetten ótelýi tıis ekenin aı­qyn kórsetetin bolady. Bul baǵdarlama áli iske qosylý satysynda. Qys ishinde keshegideı keleńsizdikter qaıtalanbas úshin tıisti sharalardy qabyldaımyz, – dedi ákim.

Pavlodar oblysy úshin eń ózekti máseleniń biri – ekologııa. О́ńir basshysy qorshaǵan ortaǵa jaıylatyn shyǵaryndylardy azaıtyp, aımaqty kógaldandyrý boıynsha sharalar toptamasy ázirlengenin jetkizdi.

– Pavlodar oblysynda eko­logııa máselesin sheshý tórt negizgi baǵyttan tura­dy. Atap aıtqanda, óner­ká­sip kásiporyndarynyń shyǵa­ryn­dylaryn shekteý, turmys­tyq qatty qaldyqtardy bas­qarý, kógaldandyrý jáne eko­lo­gııalyq qoǵam ókil­de­ri­men ózara is-qımyldy kúsheı­tý baǵdarlamalary bar. О́ńirde eko­logııalyq keńes jumys isteıdi. Sony­men qatar ERG to­byna qaraı­tyn iri kási­poryn­darda shyǵaryn­dy­lardy azaıtý boıynsha on jyldyq baǵdarlama iske asyrylýda. Olar eskirgen fıltrlerdi zamanaýı gıbrıdtermen jańartýda. Pavlodar alıýmınıı zaýytynda alǵashqy eki fıltr ornatyldy. Sonyń nátıjesinde jyldyq shyǵaryndylar kólemi 2,4 tonnaǵa azaıady. Keler jyldan bastap Pavlodar qalasynda jyl saıyn bıiktigi 1,5-2 metr­den asatyn 20 myń aǵash otyr­ǵyzý josparlandy. Bul baǵ­dar­lama Ekibastuz jáne Aqsý qa­la­larynda da qolǵa alynady, – dedi Ábilqaıyr Sqaqov.

О́ńir koronavırýs ınfeksııasyn juqtyrý kórsetkishi boıynsha «qyzyl aımaqta» tur. Naýqastardyń kóbeıýine shetelden kelgen adamdar áser etken. О́ıtkeni oblys Reseıdiń koronavırýs jaılaǵan úsh aımaǵymen shektesedi. Qazan aıynyń basynan beri atalǵan baǵyttaǵy she­karalyq beketter arqyly óńirge 33 768 adam ótken. Qarasha aıyn­­da engizilgen qosymsha shekteýler Reseıden keletin adamdar legin, tıisinshe koronavırýstyń tasymaldaný faktilerin edáýir azaıtqan.

– Qazir koronavırýsty juq­tyrý faktileri oblys ishin­de kóbeıip tur. Olardyń negizgi bóligi – naýqastarmen tike­leı baılanysqa túsken adam­­dar. О́ńirdegi ahýal shıe­lenisip turǵanymen, densaý­lyq saqtaý júıesiniń mate­rıal­dyq-tehnıkalyq jáne kadr­lyq bazasyn nyǵaıtýdyń nátı­jesinde jaǵdaıdy baqylaýda ustaýǵa múmkindik bar. Aýrý­ha­nalardaǵy jalpy tósek qory men jansaqtaý bólim­derindegi oryndar kóbeı­til­di, stasıonarlar barynsha jabdyqtaldy. Ottegi núk­te­leriniń sanyn alty ese ul­ǵaıt­tyq. Dári-dármek qory da jetkilikti. 600 adamnan turatyn medısınalyq qyzmetkerler rezervi bar. Osy jyly jedel járdem stansasynyń avtoparki 100 paıyz janartylady. Sonyń nátıjesinde jedel járdemniń kelý ýaqyty 7 mınýtqa deıin qysqardy. Mundaı jaǵdaı stansa tarıhynda alǵash ret oryn alyp otyr, – dedi ákim.

Ábilqaıyr Sqaqovtyń aıtýynsha, óńir turǵyndarynyń jaǵdaıyn arttyrýǵa «Ju­mys­pen qamtý jol kartasy» men ózge de memlekettik baǵ­dar­lamalar oń yqpal etýde. Bıyl 1 myń shaqyrym jol kúrdeli jóndeýden ótken. Onyń besten bir bóligi – buryn-sońdy asfalt tóselmegen joldar. So­nymen qatar 205 myń aýyl turǵyny taza aýyz sýmen qam­tyl­­maq. Osy jyly jalpy kólemi 346 myń sharshy metr baspana tapsyrylady. Onyń ishinde jalǵa beriletin páterler sany byltyrǵydan toǵyz ese kóp bolmaq.

– Sońǵy 10 aı ishindegi áleýmettik-ekonomıkalyq ah­ýal turaqty. О́ndiristiń da­mý qar­qy­ny – 100,4 paıyz. О́ndi­ril­gen ónimniń jalpy quny 1,6 trln teńgeni qurady. Ken baıytý salasynda mys konsentratynyń ón­dirisi erekshe qarqyn kórset­ti. Elektr energııasyn ón­dirý 1,8 paıyzǵa artty. Mashına jasaý salasynyń damý qar­qy­­ny jaman emes. Máselen, «Prommashkomplekt» kompanııasy ótken jylmen salys­tyrǵanda temir jol dóńge­lek­ter­in 4,4 ese kóp shyǵardy. So­nymen qatar ferrosılısıı jáne metall óndirisi de aldyńǵy qatarda. Bizdiń óńirde óndiristik klasterdiń bolashaǵy zor. Má­se­len, osy kúni alıýmınııden avtomobıl dóńgelekteri shy­ǵarylyp kelse, jyldyń sońynda radıatorlar óndirisi bastalady. Mys klasteriniń de damý áleýeti joǵary. Bir ǵana «Bozshakóldiń» ózinde jylyna 100 myń tonnadan astam metall óndiriledi, – dedi oblys ákimi.

Jyl basynan beri Pavlodar oblysynyń ekonomıkasyna shamamen 368 mlrd teńge ınvestısııa tartylǵan.

– Jyl sońyna deıin 33 myń­nan astam adamdy ju­mys­pen qamtımyz. Keler jyly 35 myń turǵyndy eńbekke tartý josparlanyp otyr. Kúsh-jigerdi jumyspen qamtýǵa ju­myl­dyratyn bolamyz, – dedi Ábilqaıyr Sqaqov.

Sońǵy jańalyqtar

Bıyl mektep formasy ózgermeıdi

Bilim • Búgin, 16:14

Dollar qymbattady

Ekonomıka • Búgin, 15:54

Jetisý oblysynyń TJD basshysy taǵaıyndaldy

Taǵaıyndaý • Búgin, 15:08

Aralda jol apatynan bir adam kóz jumdy

Oqıǵa • Búgin, 11:35

Qazaqstannyń eksport kólemi artty

Ekonomıka • Búgin, 09:52

Uqsas jańalyqtar