Qoǵam • 27 Qarasha, 2020

"Aıbyn-2020" áskerı-patrıottyq jıyny aıaqtaldy

21 ret kórsetildi

Nur-Sultanda Tuńǵysh Prezıdent kúni qarsańynda «Aıbyn-2020» VI respýblıkalyq áskerı-patrıottyq jastar jıynynyń saltanatty jabylý rásimi ótti, dep habarlaıdy Egemen.kz.

Bul rásim beıne baılanys arqyly Qazaqstannyń barlyq óńirinde onlaın túrde kórsetilip, sonyń arqasynda jıynǵa qatysýshylar tikeleı efırden baqylaýǵa múmkindik aldy.

Atalǵan is-sharaǵa qorǵanys mınıstri general-leıtenant Nurlan Ermekbaev, aqparat jáne qoǵamdyq damý mınıstri Aıda Balaeva, bilim jáne ǵylym vıse mınıstri Sholpan Karınova, jeke synaqta jáne «Úzdik Jas sarbaz» atalymynda úzdik komandalar kapıtandary, jıynnyń jeńimpazdary qatysty.

Respýblıkalyq jıyn eki aı boıy ótti. Onlaın-formatta 39 komanda jarysty. Jalpy qatysýshylar sany 585 adamdy qurady. Jıynnyń konkýrstaryna áskerı qoldanbaly sport túrleri, ıntellektýaldyq jáne shyǵarmashylyq jarystar kirdi. Qatysýshylar jaǵymdy kóńil-kúıge ıe boldy, tájirıbe jınaqtady, jańa bilim men sheberlikke qol jetkizdi.

«Men jeńimpazdardy quttyqtaımyn. Barlyq qatysýshyǵa úzdik bolýǵa tyrysqandary úshin alǵysymdy bildiremin. Sizder bárińiz áskerı ispen tanysyp, armııa men Qarýly Kúshterdiń tarıhy týraly bildińizder, jetistikterińizdi, bilimderińiz ben eptilikterińizdi kórsettińizder, jańa dostar taptyńyzdar, ózderińizdi beriktikke synap kórdińizder», – dep Nurlan Ermekbaev atap ótti.

Shyǵys Qazaqstan oblysynyń, Tyl jáne qarý-jaraq bastyǵy basqarmasynyń, sondaı-aq Nur-Sultan qalasyndaǵy «Jas ulan» respýblıkalyq mektebiniń komandalary óz atalymdarynda úzdikter atandy. Tyl jáne qarý-jaraq bastyǵy basqarmasynyń «Saǵadat» komandasy jıynnyń absolıýtti Gran-prı jeńimpazy atandy.

Jeńimpaz komandalar kýboktarmen, medaldarmen, dıplomdarmen jáne qundy syılyqtarmen nagradtaldy. Ár konkýrsant qatysqany týraly sertıfıkat aldy.

«Jyl saıynǵy jıyn – bul biz úshin jańa tájirıbe, jańa dostar, jańa áserler. Qashyqtyqtaǵy formatta ótýine qaramastan, konkýrs óte qyzyqty, ári tartymdy ótti. Bul jıyn bizdiń júregimizde Otanǵa degen súıispenshiliktiń otyn jaqty. Bizdi jyl saıyn óte joǵary deńgeıde ótetin osyndaı aýqymdy sharalarǵa qatysýǵa múmkindiktiń bolýy qýantady», - dep Shyǵys Qazaqstan oblysy «Jas qyran» komandasynyń kapıtany Ajar Yqylasova óz áserimen bólisti.

Sońǵy jańalyqtar

Dollar qymbattady

Ekonomıka • Búgin, 11:35

Qazaqstanda elektr energııasy qymbattady

Qazaqstan • Búgin, 10:21

Qyrǵyzstanda eks-premer ustaldy

Álem • Búgin, 09:53

Pnevmonııadan 1 adam qaıtys boldy

Koronavırýs • Búgin, 09:22

Sartaı batyrdyń ashamaıy

Rýhanııat • Búgin, 08:07

«Bestikke» engen óńirdegi betburys

Aımaqtar • Búgin, 07:58

Qoǵammen baılanys qoldaý tapty

Qoǵam • Búgin, 07:56

Ekpe saldyrý – óz erkińizde

Medısına • Búgin, 07:54

Tarıh ǵylymynyń kóshbasshysy

Oqıǵa • Búgin, 07:54

Munaıly óńirge – myń doza

Medısına • Búgin, 07:52

Qyzylsha men qamys – óńdegenge tabys

Ekonomıka • Búgin, 07:41

Máskeý festıvaline barǵanda...

Tanym • Búgin, 07:40

DSU: О́tpeli kezeń aıaqtaldy

Ekonomıka • Búgin, 07:37

Áke jolyn jalǵar ul

Aımaqtar • Búgin, 07:35

Uqsas jańalyqtar