Máselen, Pavlodar oblysynda "Nur-Sultan – Pavlodar" tasjolynyń 91 shaqyrymy paıdalanýǵa berildi. Soltústik Qazaqstan oblysynda jolshylar uzyndyǵy 36 shaqyrym bolatyn "Petropavl- RF shekarasy (Kýrgan), Kókshetaý qalasyna kireberis" ýchaskesin qaıta jańartty. Al Mańǵystaý oblysynda "Beıneý – Aqjigit" jolynyń 0-85 shaqyrym ýchaskesi jáne "Jetibaı-Jańaózen" jolynyń 73 shaqyrymy tapsyryldy. Aqtóbe oblysynda respýblıkalyq mańyzy bar "Aqtóbe-Qandyaǵash-Atyraý" avtojolynyń uzyndyǵy 17 shaqyrymdyq ýchaskesi rekonstrýksııadan ótip, qoldanysqa berildi. Budan bólek, Atyraý oblysynda "Atyraý-Astrahan" tasjolynyń 20 shaqyrymdyq aýmaǵy men Almaty oblysynda "Úsharal – Dostyq" jolynyń 30-60km ýchaskesi de jańartyldy. Sondaı-aq, jol kompanııalarymen Ortalyq-Ońtústik dáliziniń eki aýmaǵy paıdalanýǵa berildi. 47 shaqyrymdy quraıtyn Qaraǵandy qalasynyń Soltústik jáne Shyǵys aınalma joldary.
Aıta keteıik, bıyl elimizde qurylys pen qaıta jańartý jumystarymen respýblıkalyq mańyzy bar avtojoldardyń 4 myń shaqyrym qamtylǵan.
