Qazaq Ulttyq О́ner Ýnıversıtetiniń rektory, Qazaqstannyń Halyq ártisi, Qazaqstan Eńbek Eri, QR Tuńǵysh Prezıdenti - Elbasynyń Memlekettik beıbitshilik jáne progress syılyǵynyń laýreaty Aıman Musaqojaeva shaǵyn baǵdarlamalar toptamasynyń keıipkeri boldy. Ol 1998 jyly Elbasynyń bastamasymen jańa astanada salynǵan Qazaq Ulttyq Mýzyka Akademııasynyń (QazNAM) qurylý tarıhy týraly aıtyp berdi.
"1997 jyly elordany Aqmolaǵa kóshirý ıdeıasy paıda boldy. Biz, energııaǵa toly jastar, memleket qurylysyna da qatysqymyz keldi. Biz osynda kelip, Qazaq Ulttyq Mýzyka Akademııasyn qurý jobasyn júzege asyrǵymyz keletinin aıttyq. Nursultan Ábishuly, úkimet jáne ákim qyzmetin atqarǵan Ádilbek Jaqsybekov te aıanyp qalmady. Búginde biz 22-shi jyl jumys istep jatyrmyz. Qazaq Ulttyq Mýzyka Akademııasy retinde 10 jyl jumys istedik. Endigi ataýy - Qazaq Ulttyq О́ner Ýnıversıteti. Bizdiń oqý ornymyzdyń qalyptasý kezeńinde Nursultan Ábishuly bizge kóp kómek kórsetti. Úkimetti de, Bilim mınıstrligin de, Mádenıet mınıstrligin de qoldady. Osy kezeńde elimizde ártisterdiń jańa býyny – Dımash Qudaıbergen, Súndet Baıǵojın, Laýra Ahmetova ósti. Bular – bizdiń mádenıetimizdi tanytyp júrgen naǵyz darabozdar. Elbasy Nursultan Ábishuly Nazarbaev uly mıssııa oryndady. Nursultan Ábishuly Nur-Sultanda mádenıetti qalyptastyra bastaǵan ýaqytty biz “Renessans” ıaǵnı qazaqstandyq mádenıetti qaıta jańǵyrtý kezeńi dep ataımyz", – deıdi Aıman Musaqojaeva.
