Kelisimge qol qoıý rásimine Premer-Mınıstrdiń orynbasary Roman Sklıar qatysty.
Qujatqa energetıka mınıstri Nurlan Noǵaev, ındýstrııa jáne ınfraqurylymdyq damý birinshi vıse-mınıstri Qaıyrbek О́skenbaev, «Qazaqstan mashına jasaýshylar odaǵy» ZTB basqarma tóraǵasy Meıram Pishembaev, Munaı servıstik kompanııalar odaǵynyń basshysy Beket Izbastın, Qarashyǵanaq Petrolıým Opereıtıng (KPO) jobasynyń basshysy Edvın Blom, Nort Kaspıan Opereıtıng Kompanı (NKOK) basshysy Rıchard Hoýv jáne Teńizshevroıl (TShO) jobasynyń basshysy Imer Bonner qol qoıdy.
Munaı-gaz mashınasyn jasaýdy damytýdyń halyqaralyq ortalyǵy jumysynyń negizgi maqsaty-úsh operatordyń muqtajdyǵy úshin, atap aıtqanda, jańa óndirister qurý, sondaı-aq jumys istep turǵan otandyq taýar óndirýshilerdiń múmkindikterin keńeıtý arqyly QR-nyń munaı-gaz salasy úshin taýarlar óndirisin oqshaýlaý.
Ortalyqty munaı-gaz jobalarynyń operatorlary qarjylandyrady jáne ol kommersııalyq emes negizde jumys isteıtin bolady.
Qazaqstan mashına jasaýshylar odaǵynyń basqarma tóraǵasy Meıram Pishembaevtyń aıtýynsha, Munaı-gaz mashınasyn jasaýdy damytýdyń halyqaralyq ortalyǵy qurý otandyq taýar óndirýshilerge qosymsha qoldaý bolady jáne olardy munaı-gaz jobalary operatorlary ótkizetin satyp alýǵa barynsha tartýǵa yqpal etetin bolady.
«Ortalyqty qurý máselesi tek halyqaralyq munaı-gaz operatorlarynyń joǵary tehnologııalyq ónim óndirý boıynsha qazaqstandyq munaı-gaz mashınasyn jasaý ónimderiniń qajettiligin tolyqtyrý úshin ǵana emes, sondaı-aq eksportqa shyǵýdy qamtamasyz etýdegi naqty qadam bolyp sanalady, bul Qazaqstan Respýblıkasy Prezıdentiniń 2020 jylǵy 1 qyrkúıektegi joldaýynda aıtylǵan óńdeý ónerkásibindegi óndiris kólemin bes jylda keminde 1,5 ese ulǵaıtý jáne otandyq óńdelgen ónim eksportyn ulǵaıtý jónindegi tapsyrmalarmen sáıkes keledi», - dedi M. Pishembaev.
Munaı-gaz mashınasyn jasaýdy damytýdyń halyqaralyq ortalyǵy tabysty qyzmeti barlyq múddeli taraptardyń, atap aıtqanda, Qazaqstannyń mashına jasaýshylar Odaǵymen jáne sala kásiporyndarymen úılesimdi jumysyna baılanysty bolady.
Qazaqstannyń mashına jasaýshylar odaǵy osy ortalyqtyń jumysyna el ekonomıkasynyń damýy men órkendeýi úshin tolyq kómek kórsetýge daıyn.
